Trosolwg o'r swydd

Rôl yr Uwch Oruchwyliwr Cyfleusterau ydy cefnogi'r Rheolwr Cyfleusterau Meddal, Goruchwylwyr Cyfleusterau a staff, a chyflenwi yn eu habsenoldeb.

Darparu gwasanaeth cyfleusterau o'r radd flaenaf i gleifion canser, ymwelwyr a staff, gan gynnwys staff wardiau, clinigau dydd, yr ystafell fwyta a swyddogaethau eraill o fewn y Gwasanaethau Gweithredol.

Prif ddyletswyddau'r swydd

Mae’n bleser gan y Rheolwr Cyfleusterau Meddal gynnig y cyfle i unigolyn brwdfrydig a chymhellol i ymuno â’r tîm Rheoli Cyfleusterau Meddal yn y Ganolfan Ganser Felindre bresennol ac yn y Ganolfan Ganser Felindre newydd.

Bydd yr ymgeisydd llwyddiannus yn ymrwymo i ddarparu gwasanaeth rheng flaen sy'n canolbwyntio ar y claf, a fydd yn cynnwys bob agwedd ar yr adrannau Rheoli Cyfleusterau Meddal. 

Cefnogi rheolwyr a goruchwylwyr y Gwasanaethau Cyfleusterau i sicrhau cydymffurfiaeth o ran Iechyd a Diogelwch, gwastraff, hyfforddiant, deddfwriaeth a pholisïau a gweithdrefnau ar draws holl ddisgyblaethau'r Gwasanaethau Rheoli Cyfleusterau Meddal.

Yn gyfrifol am sicrhau bod yr holl oruchwylwyr gweithredol a'r staff yn cyflawni’r ystod o ddyletswyddau y disgwylir ganddynt wrth ddarparu gwasanaethau arlwyo i gleifion ac wrth ddarparu gwasanaethau domestig, porthora, switsfwrdd/derbynfa i gleifion, staff ac ymwelwyr, yn unol â pholisïau gweithredol presennol.

Mae'r gallu i siarad Cymraeg yn ddymunol ar gyfer y swydd hon; mae croeso cynnes i siaradwyr Cymraeg a/neu Saesneg i wneud cais. 

Gweithio i'n sefydliad

Yn Ymddiriedolaeth Prifysgol Felindre, rydym yn falch o ddarparu gwasanaethau arbenigol ledled Cymru drwy Ganolfan Ganser Felindre a Gwasanaeth Gwaed Cymru, gyda chefnogaeth ein timau corfforaethol a'n partneriaethau â Phartneriaeth Cydwasanaethau GIG Cymru ac Iechyd  Technoleg Cymru.

Wrth edrych tua’r dyfodol, rydym yn paratoi ar gyfer agor Ganolfan Ganser Felindre newydd (nVCC) yng Ngwanwyn 2027—carreg filltir gyffrous a fydd yn trawsnewid gofal canser i’n poblogaeth. Wedi’i lleoli o fewn cyrraedd hawdd i ddinas fywiog Caerdydd a harddwch trawiadol Bannau Brycheiniog, rydym yn cynnig amgylchedd gwaith unigryw sy’n cyfuno arloesedd, cydweithio ac ansawdd bywyd rhagorol.

Ers ein sefydlu ym 1994, mae ein gweithlu ymroddedig wedi parhau’n ffyddlon i gyflawni egwyddorion gofal doeth ar draws ystod eang o rolau. Rydym yn parhau i chwarae rhan hanfodol yn ein cymunedau ac mae gennym gynlluniau uchelgeisiol i wella’r gwasanaethau a ddarparwn ymhellach.

Mae popeth rydym yn ei wneud wedi’i seilio ar werthoedd ein Hymddiriedolaeth. Rydym yn ofalgar, yn barchus ac yn atebol yn y ffordd rydym yn gweithio gyda chleifion, rhoddwyr, partneriaid a’n gilydd—gan sicrhau ein bod yn darparu’r safonau uchaf o ofal wrth ymdrechu’n barhaus i wella.

Os ydych am weithio i sefydliad sy’n gwneud gwahaniaeth gwirioneddol, sy’n croesawu arloesedd ac sy’n cynnig cyfleoedd gyrfa gwerth chweil mewn lleoliad ysbrydoledig, Ymddiriedolaeth GIG Prifysgol Felindre yw’r lle i chi.