Trosolwg o'r swydd

Mae gennym gyfle cyffrous i Swyddog Gweinyddol ymuno â'r Tîm Gwasanaethau Diabetes yn Ysbyty Bronglais. Bydd yr ymgeisydd llwyddiannus yn darparu cymorth ysgrifenyddol a gweinyddol cynhwysfawr o safon uchel i'r tîm Nyrsio Diabetes Arbenigol.

Bydd deiliad y swydd yn amlygu dealltwriaeth gadarn o drefniadau gweithio y Gwasanaeth Nyrsys Diabetes Arbenigol lleol a bydd yn gallu cyfrannu at flaengynllunio a systemau gwaith effeithiol yn y gwasanaeth.

Bwrw ati i gefnogi'r broses o ddatrys problemau lleol, gan uwchgyfeirio pryderon at yr arweinydd yn ôl yr angen. Bydd yn ymgymryd â phob dyletswydd i safon uchel ac yn chwilio am gyfleoedd i wella effeithlonrwydd.

Yn gyfrifol am drefnu, monitro a chamau gweithredu sy'n ymwneud â chlinigau Nyrsio Diabetes Arbenigol yn yr Ysbyty, byddwch yn delio â chyfathrebiadau i'r gwasanaeth ac amdano, a hynny dros y ffôn, yn ysgrifenedig a thrwy e-bost. Bydd deiliad y swydd yn delio â materion cyfathrebu mewn modd priodol, yn unol â gweithdrefnau lleol ac ar y cyd 
â staff priodol. Bydd y dyletswyddau eraill yn cynnwys:

Prif ddyletswyddau'r swydd

• Sicrhau y cyflawnir rôl ysgrifenyddol lawn a chynhwysfawr yn swyddfa'r nyrsys arbenigol diabetes lleol, gan gynnwys rheoli clinigau arferol (yn cynnwys y system ar gyfer galw'n ôl), teipio – yn cynnwys llythyrau clinigol gan ddefnyddio clyweipio, gwahoddiadau i apwyntiadau, gofyn am nodiadau achosion meddygol a'u dychwelyd, cynnal systemau ffeilio a thaenlenni electronig.
• Cynllunio clinigau, archebu ystafelloedd ar system Bookwise, nodi a datrys mân broblemau ac uwchgyfeirio pryderon neu broblemau mwy difrifol yn ôl yr angen.
• Cynyddu presenoldeb yn y clinig hyd yr eithaf trwy atgoffa cleifion am 
  apwyntiadau sydd ar ddod a llenwi slotiau apwyntiadau sydd wedi dod ar 
  gael/wedi'u rhyddhau oherwydd canslo apwyntiadau, os yn bosibl.
• Archebu cyflenwadau ar gyfer y Swyddfa Diabetes, caffael cyflenwadau ar gyfer cleifion sy'n defnyddio pympiau inswlin ar system ORACLE, cynnal cofnod o rifau archebion prynu a dyddiadau dod i ben i sicrhau bod system archebu effeithiol a diogel ar waith.
• Cynnal cofnod electronig o weithgarwch clinigol Nyrsio Diabetes Arbenigol a'i fewnbynnu i raglen electronig y cytunwyd arni.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu