Trosolwg o'r swydd

Mae gennym gyfle cyffrous ym Mwrdd Iechyd Prifysgol Hywel Dda yn sir Ceredigion i Ffisiotherapydd Arbenigol ymuno â'n tîm, gyda'r posibilrwydd o fod yn rhan o'r cylchdroadau band 6 yn y sir.

Rydym yn chwilio am unigolyn brwdfrydig, cadarnhaol a llawn cymhelliant sy'n meddu ar y sgiliau a'r gallu i ysgogi ei gleifion ac ymgysylltu â nhw, ac a all weithio'n annibynnol. Bydd yn arwain ac yn addasu yn unol ag arloesedd a datblygiadau i wasanaethau. Bydd yn darparu cymorth ar gyfer goruchwylio a hyfforddi, a bydd ganddo'r gallu i weithio'n hyblyg ac ar y cyd mewn tîm. Mae profiad o weithio yn y GIG yn dymunol.

Mae Bwrdd Iechyd y Brifysgol yn mynd ati mewn modd rhagweithiol i gefnogi hyfforddiant a datblygiad, a hynny'n rhan o DPP mewnol ac allanol.

Clywch bopeth am ymuno yma: Proffesiynau Perthynol i Iechyd – Ffisiotherapydd

Prif ddyletswyddau'r swydd

Rydym yn chwilio am unigolyn sy'n meddu ar sgiliau rhyngbersonol gwych i rwydweithio â chyd-weithwyr yn y maes acíwt ac yn y gymuned i gydlynu gwasanaeth ymatebol, di-dor ar draws llwybrau a sectorau. Bydd gan ymgeisydd llwyddiannus y swydd allu trefniadol ac ymrwymiad i ddatblygu gwasanaethau. Bydd yn datblygu'r sylfaen dystiolaeth ar gyfer gwerthuso trwy archwilio, effeithiolrwydd clinigol a gweithgarwch ymchwil. Fel y bo'n briodol, bydd yna ddisgwyliad iddo ddirprwyo ar gyfer.

Gan y bydd yr ymgeisydd yn fyfyriwr ôl-raddedig amryddawn, bydd gofyn iddo feddu ar sylfaen glinigol gref mewn adsefydlu pobl hŷn, ac arbenigedd mewn cwympiadau a syndrom eiddilwch, cyflyrau niwrolegol, cyflyrau cardioanadlol a phroblemau cyflyrau cyhyrysgerbydol. Bydd ganddo ddealltwriaeth dda o faterion cyfredol sy'n effeithio ar wasanaethau cymunedol. Bydd deiliad y swydd yn gweithio'n annibynnol yn rôl ymarferydd tra medrus, gan reoli llwyth achosion clinigol o gleifion ag anghenion iechyd a gofal cymdeithasol amrywiol a chymhleth, a hynny ochr yn ochr ag aelodau o'r tîm amlddisgyblaethol mewn rôl reolaethol a chlinigol. Bydd yn darparu arweinyddiaeth, arbenigedd a goruchwyliaeth glinigol i ffisiotherapyddion iau, gweithwyr cymorth ffisiotherapi, myfyrwyr a chynorthwywyr adsefydlu generig. O fod yn arbenigwr clinigol, bydd yna elfen addysgol gref i'r rôl.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

·         Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd

·         Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro

·         Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall

·         47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref

·         Lleoliadau niferus yn darparu gwasanaethau iechyd meddwl ac anableddau dysgu