Trosolwg o'r swydd

Ymunwch â ni i gyflawni rôl arweinyddiaeth glinigol uwch lle byddwch yn helpu i siapio dyfodol y gwasanaethau podiatreg yng Ngheredigion gyda Bwrdd Iechyd Hywel Dda. A chithau’n arbenigwr clinigol cydnabyddedig, byddwch yn arwain y gwaith o ddatblygu a chynnal safonau clinigol o ansawdd uchel, gan ysgogi rhagoriaeth mewn ymarfer, darparu 
gwasanaeth a chanlyniadau cleifion. Gan gydweithio’n agos â chyd-weithwyr ar draws y Bwrdd Iechyd, byddwch yn cyflawni rôl allweddol wrth wella’r gwasanaeth, rheoli perfformiad a gweithredu dulliau arloesol sy’n seiliedig ar dystiolaeth ym maes gofal. 

Mae hwn yn gyfle cyffrous i ddylanwadu ar ddatblygiad proffesiynol y gweithlu podiatreg trwy gynllunio a darparu hyfforddiant arbenigol, fframweithiau cymhwysedd a rhaglenni addysgol. Byddwch yn hyrwyddo datblygiad proffesiynol parhaus, yn cynnig goruchwyliaeth arbenigol, mentoriaeth, a chymorth i staff ar draws eich maes arbenigol, gan helpu i ddatblygu gweithlu hyderus a medrus iawn. 

Bydd yr ymgeisydd llwyddiannus wedi ymrwymo i ddatblygu arfer clinigol trwy ddefnyddio ac arfarnu’r ymchwil a’r dystiolaeth ddiweddaraf mewn ffordd feirniadol. Gan gyfuno gwybodaeth arbenigol ac arweinyddiaeth ysbrydoledig, byddwch yn cyfrannu at ddatblygiad parhaus gwasanaethau podiatreg modern sy’n perfformio’n dda, ac sy’n bodloni anghenion cleifion ac yn cynorthwyo dyfodol y proffesiwn. 

Prif ddyletswyddau'r swydd

Mae hwn yn gyfle eithriadol i bodiatrydd profiadol weithio fel ymarferydd annibynnol arbenigol iawn, gan ddarparu gwasanaeth asesu, rhoi diagnosis a thrin i gleifion sydd â chyflyrau fasgwlaidd, diabetes a chyhyrysgerbydol cymhleth.  Byddwch yn rheoli llwyth achosion amrywiol a heriol, gan ddefnyddio rhesymu clinigol uwch ac arfer seiliedig ar dystiolaeth i ddatblygu a darparu cynlluniau gofal personoledig sy’n sicrhau’r canlyniadau gorau posibl i gleifion.  

Gan weithio fel aelod o dîm amlddisgyblaethol, byddwch yn cydweithio’n agos â Meddygon Teulu, Meddygon Ymgynghorol, timau Orthopedig a Fasgwlaidd a gweithwyr gofal iechyd proffesiynol eraill i gynorthwyo gydag osgoi sefyllfaoedd lle mae gofyn anfon pobl i’r ysbyty, gofal cymunedol cymhleth a llwybrau cleifion effeithiol. Byddwch hefyd 
yn cynnig cyngor clinigol arbenigol, ac yn cyfrannu at ddatblygiad modelau gwasanaeth ar draws Hywel Dda, gan gyflawni rôl bwysig wrth sicrhau gofal o ansawdd uchel sy’n canolbwyntio ar y claf. 

Law yn llaw â’ch cyfrifoldebau clinigol, byddwch yn cynorthwyo gwelliannau i’r gwasanaeth trwy gyfrwng gwaith archwilio, ymchwil a gwerthuso, gan helpu i siapio a gwella gwasanaethau podiatreg arbenigol ar draws y Bwrdd Iechyd, a chan hyrwyddo arloesi ac arfer gorau ar yr un pryd.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu