Trosolwg o'r swydd

Rydym yn chwilio am gwnselydd profiadol a thosturiol i ymuno â'n tîm a helpu i arwain y gwaith o ddarparu gwasanaeth profedigaeth ymatebol sy'n canolbwyntio ar yr unigolyn.

Bydd deiliad y swydd yn darparu gwasanaeth cwnsela o ansawdd uchel cyn ac ar ôl profedigaeth i unigolion a theuluoedd, yn unol ag arfer sy'n seiliedig ar dystiolaeth, ynghyd â gofynion statudol a pholisïau'r GIG. Gan weithio ar draws ysbytai a lleoliadau cymunedol, byddwch yn cefnogi oedolion a phlant, gan sicrhau gofal diogel, effeithiol ac unigol ei ogwydd.

Mae'r rôl hon hefyd yn cynnwys cydlynu'r gwaith o redeg y gwasanaeth cwnsela o ddydd i ddydd, gan gynnwys goruchwylio a datblygu cwnselwyr, myfyrwyr a gwirfoddolwyr. Byddwch yn cyfrannu at y gwaith o gynllunio a datblygu gwasanaethau, a byddwch yn gyfrifol am gynnal safonau uchel o ran ymarfer a llywodraethu clinigol.

Bydd yr ymgeisydd llwyddiannus yn gallu gweithio'n annibynnol, dangos sgiliau cyfathrebu rhagorol, a dod ag arbenigedd clinigol a phrofiad o arweinyddiaeth mewn lleoliad profedigaeth neu gwnsela.

Prif ddyletswyddau'r swydd

Mae'r rôl yn cynnwys cydlynu'r Gwasanaeth Cymorth mewn Profedigaeth o ddydd i ddydd, gan gynnwys rheoli a chefnogi tîm amlddisgyblaethol. Bydd deiliad y swydd yn cyfrannu at y gwaith parhaus o ddatblygu a darparu gofal mewn profedigaeth o ansawdd uchel ledled ardal Bwrdd Iechyd Prifysgol Hywel Dda, a hynny wedi'i ategu gan dystiolaeth ymchwil, arfer gorau ac arbenigedd clinigol.

Bydd yn rhannu cyfrifoldeb am reoli llwyth achosion diffiniedig yn annibynnol, gan ddefnyddio offer asesu cydnabyddedig a barn glinigol i ddarparu gofal therapiwtig holistaidd, wedi'i bersonoli. Mae hyn yn cynnwys asesu, monitro a chydlynu rhaglenni cymorth mewn partneriaeth â chleientiaid a gweithwyr proffesiynol eraill, a'r rheiny wedi'u teilwra i anghenion, cyd-destunau a diwylliannau unigol – gyda'r nod o hyrwyddo iechyd a grymuso.

Disgwylir i ddeiliad y swydd gydnabod, adrodd ac ymateb yn briodol i unrhyw arferion anniogel, gan fynd ati i hyrwyddo gofal o safon uchel. Darperir gwybodaeth glir a chywir i gleientiaid trwy gydol y broses cyn ac ar ôl profedigaeth, mewn ffordd sy'n sensitif i'w dealltwriaeth a'u hanghenion emosiynol.

Mae ffordd hyblyg o weithio yn hanfodol, gan fod y rôl yn cynnwys gweithio ar draws y gymuned ac yn Nhŷ Cymorth, Ysbyty Cyffredinol Glangwili (Caerfyrddin), a Thŷ Bryngwyn, Ysbyty'r Tywysog Philip (Llanelli).

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu