Trosolwg o'r swydd

Mae cyfle cyffrous ar gael yn y Tîm Diabetes yn Ysbyty Cyffredinol Glangwili. A ydych yn nyrs arbenigol diabetes brofiadol a dawnus?

Bydd deiliad y swydd yn cydweithio â chleifion, teuluoedd cleifion, y cyhoedd a staff proffesiynol ar draws sbectrwm y gwasanaethau iechyd a gofal cymdeithasol.

Bydd disgwyl i ddeiliad y swydd arwain, datblygu a chyflawni gwasanaethau diabetes o safon uchel, gan anelu at hybu iechyd, gan alluogi ac annog yr unigolyn â diabetes i gyflawni'r dull gorau posibl o ran hunanreoli diabetes trwy ddefnyddio sgiliau a gwybodaeth mewn ymgynghoriad â'r tîm amlddisgyblaethol.

Rydym yn eich gwahodd i wneud cais am swydd y Nyrs Arbenigol Diabetes. Mae profiad ôl-gofrestru helaeth o weithio ym maes gofal diabetes yn hanfodol.

Mae nyrs arbenigol diabetes yn ofynnol, sy'n meddu ar wybodaeth a phrofiad arbenigol ac uwch mewn perthynas â rheoli cleifion â diabetes Math 1 a 2, diabetes yn ystod beichiogrwydd, beichiogrwydd yn achos diabetes Math 1 a 2 sy'n bod eisoes, therapi pwmp inswlin, a chlinigau dan arweiniad nyrsys.

Mae cymhwyster ôl-raddedig yn ofynnol mewn rheoli diabetes, ac mae cymhwyster rhagnodi yn ddymunol.

Prif ddyletswyddau'r swydd

Gweithio hyd at lefel uwch-nyrs arbenigol fel yr amlinellir gan y fframwaith gyrfa a chymhwysedd ar gyfer nyrs arbenigol diabetes (TREND).

Amlygu lefel uchel o sgiliau ac arbenigedd nyrsio clinigol, gan groesawu'r datblygiadau o ran triniaeth a gofal fferyllol, technolegol ac addysgol ar gyfer pobl ifanc ac oedolion â diabetes.

Asesu cleifion a chynllunio a gweithredu eu gofal.

Ymrwymo i alluogi pobl â diabetes i hunanreoli eu cyflwr yn unol â'u gallu a'u cydsyniad. Croesawu'r gyfarwyddeb o ganllawiau NICE i ddarparu addysg strwythuredig ar gyfer pobl â diabetes.

Gwella'r broses o reoli cleifion â diabetes trwy optimeiddio'r dehongliad o archwiliadau a phrofion, a chyfleu'r canlyniadau i'r cleifion a gweithredu'n unol â hynny.

Monitro dangosyddion diabetes gan rag-weld dirywiad posibl a mynd ati i reol llesiant y claf er mwyn cynnal ei annibyniaeth.

Sicrhau amgylchedd diogel ar gyfer cleifion, ymwelwyr a staff.

Meddu ar wybodaeth am holl bolisïau a gweithdrefnau/chanllawiau'r Bwrdd Iechyd.

Gweithio gydag unigolion â diabetes sydd hefyd ag anghenion iechyd cymhleth, a darparu cymorth i staff iau yn eich ardal.

Gweithio mewn tîm gydag arbenigeddau a gweithwyr Gofal Iechyd proffesiynol eraill ym maes diabetes i ddarparu'r gwasanaeth gorau posibl a gwella taith diabetes yr unigolyn.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu