Trosolwg o'r swydd

Hysbysebir y swydd hon ar Fand 6; fodd bynnag anogir yr ymgeiswyr hynny nad ydynt ar hyn o bryd yn meddu ar yr holl gymwyseddau angenrheidiol ar gyfer lefel Band 6 i wneud cais ac, os byddant yn llwyddiannus, cânt eu penodi o dan reolau Atodiad 21, lle bydd 70% o ben Band 6 yn daladwy yn y flwyddyn gyntaf a 75% yn yr ail flwyddyn.

Byddai'r ymgeiswyr yn cael cymorth i ddatblygu'r cymwyseddau sy'n ofynnol i gyflawni'r rôl cyn pen 24 mis. Ar ôl llwyddo i gwblhau hynny, a meithrin y sgiliau a'r cymwyseddau yn llwyddiannus ar gyfer y rôl, bydd deiliad y swydd yn cael ei dalu ar lefel band 6 (pwynt isaf y raddfa).

Gallai peidio â chyflawni'r cymwyseddau ymhen yr amserlen ddynodedig arwain at adleoli.

Mae cyfle cyffrous wedi dod ar gael i Ddeietegydd brwdfrydig ymuno â thîm diabetes Pediatrig Hywel Dda, yn ei ymdrechion i wella a grymuso plant a phobl ifanc sy'n byw â diabetes.

Mae'n swydd barhaol, ran-amser (18.75 awr yr wythnos) a byddai'n addas ar gyfer Deietegydd uchel ei gymhelliant sydd â rhywfaint o wybodaeth a phrofiad o ran gweithio ym maes diabetes a/neu ddeieteg bediatrig.

Mae ein tîm dynamig, arloesol a chefnogol yn edrych ymlaen at groesawu cyd-weithiwr deieteg newydd i'n helpu i gyflawni ein nod o ddarparu gofal seiliedig ar werth trwy addysg strwythuredig.

Rydym yn hyblyg o ran sut y caiff y 18.75 awr eu gweithio ac rydym yn gallu trafod hyn gyda chi.

Prif ddyletswyddau'r swydd

Bydd deiliad y swydd yn cefnogi'r broses o ddarparu addysg strwythuredig ar draws safleoedd y Bwrdd Iechyd, a bydd yn gyfrifol am lwyth achosion clinigol o blant a phobl ifanc â diabetes. 

Bydd deiliad y swydd yn gweithio fel deietegydd diabetes arbenigol i blant ac aelod annatod o'r Gwasanaeth Diabetes i Blant, gan reoli llwyth achosion cymhleth o blant a phobl ifanc a chefnogi eraill i weithio'n effeithiol gyda phlant a phobl ifanc â diabetes a'u teuluoedd.

Bydd yn defnyddio gwybodaeth a sgiliau arbenigol mewn perthynas â deieteg i wneud y canlynol: asesu, cynllunio a gweithredu triniaethau, a darparu ymyriadau deietig mewn amrywiaeth o leoliadau, gan gynnwys y gymuned, cleifion allanol, ac mewn ysbytai a lleoliadau grŵp, yn unol ag anghenion y claf, ei deulu a'i ofalwyr.

Darparu addysg, hyfforddiant a chymorth arbenigol i ddatblygu gwybodaeth a sgiliau pobl eraill sy'n gweithio gyda phlant, pobl ifanc a theuluoedd mewn perthynas â rheoli diabetes yn effeithiol trwy ddeiet.

Cyfrannu at waith y gwasanaethau deieteg a diabetes plant, gan fynd ati i gymryd rhan yn y gwaith o'u datblygu, eu gwerthuso a'u gwella, ac o weithredu polisïau, canllawiau a safonau.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu