Trosolwg o'r swydd

Mae cyfle wedi dod ar gael ar gyfer ecocardiograffydd cymwysedig yn Ysbyty Cyffredinol Glangwili, Caerfyrddin.

Rydym yn chwilio am ffisiolegydd cardiaidd uchel ei gymhelliant, sy'n arbenigo mewn ecocardiograffeg, i ymuno â'n tîm cyfeillgar a dynamig sy'n darparu gofal a chymorth o safon uchel i gleifion ym Mwrdd Iechyd Prifysgol Hywel Dda.

Mae ein gwasanaethau ecocardiograffeg yn darparu technegau ecocardiograffeg drawsthorasig a thechnegau ecocardiograffeg cymhleth, megis ecocardiograffeg drawsoesoffagaidd, dotwtamin, straen ymarfer corff a chyferbyniol.

Mae'r amserlen waith yn amrywiol, ac yn darparu gwasanaethau i gleifion mewnol, cleifion allanol, mynediad uniongyrchol i feddygon teulu, a chlinigau cardiaidd un stop. Rydym hefyd yn cynnal clinigau i gadw gwyliadwriaeth ar falfiau a chlinigau clefyd cynhenid y galon i oedolion, ac yn cefnogi hyfforddiant i ecocardiograffwyr y dyfodol a'n meddygon graddfa hyfforddiant. Rydym hefyd yn cynnig ystod gynhwysfawr o ymchwiliadau cardiaidd mewnwthiol ac anfewnwthiol, gan gynnwys gwasanaethau rheolydd calon, profion ymarfer corff, angiograffeg, a monitro'r gallu i gerdded.

Rydym yn annog ymgysylltiad agored wrth gynllunio a darparu gwasanaethau, ac yn chwilio am unigolyn sy'n awyddus i rannu gwybodaeth a syniadau mewn fforwm agored a chyfeillgar.

Prif ddyletswyddau'r swydd

Mae'r swydd hon yn cael ei hysbysebu ar lefel Band 7, ac yn ddelfrydol bydd yr ymgeiswyr ar gyfer y rôl hon wedi cyflawni Cymhwyster transthorig BSE ar gyfer oedolion.  Fodd bynnag, anogir ymgeiswyr nad ydynt ar hyn o bryd yn  meddu ar y diploma ar gyfer y rôl Band 7hon i wneud cais, ac, os byddant yn llwyddiannus, bydd yn ofynnol iddynt gyflawni'r cymhwyster 2yrs a chânt eu penodi o dan reolau Atodiad 21.

Mae hyn yn golygu y byddant yn cael eu cefnogi gan gynllun datblygu. (Yn ystod y flwyddyn gyntaf bydd y taliad yn 70% o'r gyfradd cyflog uchaf ym mand 7, a'r ail flwyddyn yn 75%). Ar ôl llwyddo yn y Cymhwyster transthorig BSE ar gyfer oedolion, yna bydd deiliad y swydd yn cael ei dalu ar Fand 7 (pwynt isaf y raddfa). Darperir cymorth a goruchwyliaeth er mwyn datblygu'r ymgeisydd llwyddiannus i'r rôl Band 7. Gallai peidio â 
chyflawni'r cymhwyster yn unol â'r amserlen ddynodedig arwain at adleoli.

Mae'r swydd hon yn addas ar gyfer ecocardiograffydd cymwys ac ymreolaethol sy'n meddu ar achrediad trawsthorasig oedolion y BSE. Y prif ddyletswyddau fydd cynnal ecocardiogramau ar gyfer amrywiaeth o gleifion a welir yn y gwasanaeth diagnostig, ac adrodd arnynt. Ac yntau'n uwch-aelod o'r tîm, bydd deiliad y swydd hefyd yn cael ei annog i ddatblygu i fod yn arweinydd clinigol ac yn fentor. Rydym yn ymfalchïo mewn bod â thîm amlddisgyblaethol cefnogol. 

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio. 

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

•    Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd 
•    Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro · Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall 
•    47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref 
•    Lleoliadau niferus yn darparu gwasanaethau iechyd meddwl ac anableddau dysgu