Trosolwg o'r swydd

Gwahoddir ceisiadau am swydd Saer Coed yn nhimau Cynnal a Chadw Gweithredol yr Ystadau sydd wedi'u lleoli ar y safle.

Darparu amgylchedd diogel a chyfforddus i gleifion, staff ac ymwelwyr.

Sicrhau bod yr holl wasanaethau hanfodol yn cael eu cynnal i gefnogi adrannau clinigol o ran eu prif dasg o drin cleifion, gan hefyd sicrhau y cydymffurfir â'r holl ddeddfwriaethau statudol.

Sicrhau bod tasgau cynnal a chadw yn cael eu cyflawni. Yn gyfrifol am ganfod diffygion ac atgyweirio ystod eang o elfennau adeiladau ac ymgymryd ag elfennau amlsgilio:

a) Drysau tân
b) Cloeon a diogelwch
c) Toeau
d) Gollyngiadau
e) Mân ddatblygiadau
f) Ffenestri
g) Sgiliau adeiladu cysylltiedig eraill. Marcio'n gywir ac adeiladau o luniadau a chynlluniau
h) Gwybodaeth am reoliadau adeiladu cyfredol

Prif ddyletswyddau'r swydd

Bydd y Saer yn rhan o dîm cynnal a chadw sy'n sicrhau bod yr amgylchedd adeiledig yn cael ei gadw yn y cyflwr gorau posibl, a bod gwasanaethau'n cael eu cynnal hyd at lefel briodol i gefnogi adrannau gwasanaethau clinigol i gyflawni eu prif dasg o drin cleifion. Bydd disgwyl hefyd i'r Saer weithio i safonau uchel iawn gan gefnogi'r archwiliadau C4C.

Bydd yr unigolyn a benodir yn cefnogi staff rheolaeth weithredol y safle i wneud eu gwaith peirianneg weithredol a chynnal a chadw adeiladau o ddydd i ddydd, a fydd yn cynnwys adeiladau, tir a gerddi, ac ati. Mae'r swydd yn gofyn am rywfaint o hyblygrwydd, yn dibynnu ar anghenion y gwasanaeth.

Bydd deiliad y swydd yn rhan annatod o dîm lleol cryf ar y safle. 

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

•    Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
•    Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
•    Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
•    47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 97 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
•    Lleoliadau niferus yn darparu gwasanaethau iechyd meddwl ac anableddau dysgu