Swydd-ddisgrifiad a phrif gyfrifoldebau manwl

Beth mae'r Rhaglen Prentisiaeth Cyllid yn ei olygu?

·    Rhaglen cynefino gynhwysfawr a fydd yn eich paratoi ar gyfer eich rôl o fewn y Bwrdd Iechyd

• Byddwch yn cael eich cefnogi gan fentor gweithle, gweithiwr cyllid proffesiynol profiadol
• Byddwch yn cael amser i ffwrdd â thâl i ddatblygu eich dysgu trwy astudio gyda'r darparwyr dysgu
• Bydd gennych fentor academaidd wedi'i neilltuo o blith y darparwyr dysgu ar bob cam
• Byddwch yn mynychu gweithdai lle cewch gyfle i drafod a rhannu syniadau

·    Byddwch yn gweithio tuag at gymwysterau galwedigaethol, gan adeiladu'r lefelau wrth i chi fagu hyder a phrofiad.

     Pa gymwysterau fyddaf i'n eu hennill?

• Prentisiaeth Sylfaen Lefel 2 (os ar raglen lawn)

o   Sgiliau Cyfathrebu Hanfodol Lefel 1

o   Sgiliau Llythrennedd Digidol Hanfodol Lefel 1

• Prentisiaeth Lefel 3

o   Diploma AAT Lefel 3

o   Sgil Hanfodol Cymhwyso Rhif Lefel 2

o   Sgiliau Cyfathrebu Hanfodol Lefel 2

o   Sgiliau Llythrennedd Digidol Hanfodol Lefel 2

• Diploma AAT Lefel 4

Beth yw'r gofynion mynediad ar gyfer y Rhaglen Prentisiaeth Cyllid?

• Rhaid i chi fod yn 18+ oed ym mis Medi 2025
• Rhaid i chi feddu ar o leiaf dair lefel A (neu gyfwerth) gyda o 96 pwynt UCAS yn gronnus. Os ydych yn aros am ganlyniadau lefel A (neu gyfwerth) rhaid i'ch graddau disgwyliedig fod o leiaf 96 pwynt UCAS. Os nad ydych chi eisioes wedi gwneud hynny ar y Diwrnod Asesu, bydd gofyn i chi ddarparu praw o'ch canlyniadau gwirioneddol cyn decrhau'r rôl - bydd methu â chyflawni'r safon offynol o 96 pwynt UCAS yn golygu y bydd eich cynnig ar y rhaglen yn cael ei ddirymu.  Mae'n ddymunol, ond nid yn hanfodol, bod y cymwysterau hyn yn gysylltiedig â chyllid a/neu gyfrifeg.
• Mae'n rhaid bod gennych hawl i weithio yn y DU ar hyn o bryd ac wedi byw yn y DU am y tair blynedd diwethaf
• Rhaid bod gennych sgiliau cyfathrebu a rhyngbersonol rhagorol
• Rhaid i chi allu dangos parodrwydd i weithio'n galed ac ymrwymiad i gyllid
• Rhaid i chi fod yn ymroddedig i astudio a gweithio ar yr un pryd sy'n gofyn am lefel uchel o ymroddiad
• Rhaid i chi beidio â bod mewn unrhyw addysg ffurfiol a ariennir gan y llywodraeth ar adeg dechrau'r Rhaglen Prentis Cyllid

Os oes gennych ddiddordeb, cwblhewch y ffurflen gais sydd ynghlwm cyn y dyddiad cau. Yn yr adran ‘Gwybodaeth Ategol’ hoffem i chi ddweud wrthym pam yr ydych yn meddwl y dylech gael eich dewis ar gyfer y cyfle hwn mewn 100 – 200 gair fesul cwestiwn.

·     Pam ydych chi'n gwneud cais i fod yn Brentis Cyllid?

·     Pam ydych chi'n meddwl y byddech chi'n ddysgwr da?

·     Pam hoffech chi weithio i Fwrdd Iechyd Prifysgol Hywel       Dda?

Cynhelir sesiynau gwybodaeth rhithiol i roi cyfle i chi ymuno a gofyn cwestiynau am y swydd wag. Cliciwch ar y dolenni canlynol i gofrestru eich presenoldeb;

16/07/25 - https://events.teams.microsoft.com/event/687a60f4-52c4-4b41-9a5a-18635e0eea15@bb5628b8-e328-4082-a856-433c9edc8fae 24/07/25 - https://events.teams.microsoft.com/event/59522c0f-fd16-47e9-9366-d77392b23cc1@bb5628b8-e328-4082-a856-433c9edc8fae

Unwaith y bydd y dyddiad cau wedi mynd heibio, bydd y rhai sy'n cyrraedd y rhestr fer yn llwyddiannus yn cael eu gwahodd i fynychu diwrnod asesu.  Bydd y diwrnod asesu yn cynnwys amrywiaeth o weithgareddau gan gynnwys cyfweliad a gwaith senario. Bydd y diwrnod asesu yn rhoi cyfle i chi gwrdd â staff y Bwrdd Iechyd gan gynnwys Tîm yr Academi Prentisiaethau.

Dewch â dogfennaeth gyda chi i'r diwrnod asesu gan gynnwys ffurflen ID â llun (pasport neu drwydded yrru gan gynnwys dros dro), tystiolaeth o yswiriant gwladol, 2x prawf o gyfeiriad (bil cyfleustodau neu gyfriflen banc o fewn y 3 mis diwethaf) a thystiolaeth o ganlyniadau TGAU ar gyfer Mathemateg a Saesneg.

Oherwydd dyddiadau cychwyn y darparwr dysgu, y dyddiad dechrau ar gyfer y rôl hon yw 4 Medi 2025. Bydd angen i chi fod ar gael i fynychu'r coleg o'r wythnos hon ymlaen 

Cynhelir diwrnod asesu ar 14/08/2025.

Bydd pawb sy’n mynychu’r diwrnod asesu yn cael eu gwahodd i fynychu diwrnod adborth, lle byddwn yn trafod canlyniad y diwrnod asesu gyda chi.

Os cewch eich recriwtio'n llwyddiannus, byddwch yn dechrau eich cyflogaeth fel Prentis Cyllid gyda Bwrdd Iechyd Prifysgol Hywel Dda ym mis Medi 2025. Bydd y rhai nad ydynt yn llwyddiannus y tro hwn yn cael cynnig cymorth gan y Bwrdd Iechyd, Coleg lleol, Canolfan Gyrfa Cymru a'r Ganolfan Waith.

Pam gwneud cais am brentisiaeth ym Mwrdd Iechyd Prifysgol Hywel Dda?

• Mae prentisiaethau yn gam cyntaf gwych i yrfa yn y GIG
• Mae prentisiaethau’n cyfuno hyfforddiant ymarferol â chyflogaeth â thâl (‘dysgu wrth ennill’)
• Cyfle i weithio ochr yn ochr â staff profiadol i'ch cefnogi a helpu i ennill y sgiliau ymarferol sydd eu hangen arnoch
• Rydych yn ennill cymwysterau a gydnabyddir yn genedlaethol, heb unrhyw ffioedd dysgu
• Cam cyntaf posibl i hyfforddiant proffesiynol
• Profiad gwych, gweithio fel rhan o dîm, gwneud gwahaniaeth go iawn

Buddsoddwch yn eich dyfodol. Dewch i ymuno â theulu Hywel Dda. Does dim lle gwell i #HyfforddiGweithioByw

Rydym wedi ymrwymo i fod yn dryloyw ac yn gefnogol o amgylch ein prosesau recriwtio. Rydym am eich cefnogi i berfformio ar eich gorau trwy nodi a chefnogi addasiadau rhesymol lle bo'n briodol. Os hoffech drafod hyn ymhellach, ar unrhyw gam o’r broses recriwtio, cysylltwch â thîm yr Academi Prentisiaethau ymlaen llaw ar [email protected]