Trosolwg o'r swydd

Mae cyfle cyffrous wedi dod ar gael i nyrs ddynamig, brofiadol a brwdfrydig, sy'n uchel ei chymhelliant ac yn meddu ar ddiddordeb mewn Hepatoleg, ymuno â'n tîm nyrsys clinigol arbenigol.

Disgwylir i'r ymgeisydd llwyddiannus feddu ar brofiad o ofalu am gleifion Hepatoleg, ynghyd â phrawf o'i sgiliau a'i wybodaeth yn y maes hwn. Bydd yn meddu ar sgiliau cyfathrebu rhagorol, ynghyd â'r gallu i ddarparu cyngor a chymorth proffesiynol arbenigol i gleifion Hepatoleg a'u teuluoedd ar hyd eu taith.

Bydd yr ymgeisydd llwyddiannus yn gweithio gyda chleifion â chyflyrau'r afu, yn cynnwys monitro sirosis/MASLD/ALD/Hepatitis B ac C/FibroScan, ac atgyfeirio cleifion newydd. Bydd angen i'r ymgeisydd llwyddiannus feddu ar wybodaeth am y nodau a osodir yng Nghynllun Afu Cymru.

Mae tîm y nyrsys clinigol arbenigol yn cydweithredu'n agos â Meddygon Ymgynghorol ym maes Gastroenteroleg a nyrsys clinigol arbenigol eraill yn yr ysbyty. Bydd deiliaid y swyddi yn chwarae rôl allweddol o ran datblygu'r gwasanaeth Hepatoleg, gan gynnwys clinigau dan arweiniad nyrsys a chefnogi meysydd eraill Hepatoleg, megis achosion dydd 
a'r gwasanaethau cleifion mewnol. 

Bydd disgwyl i'r ymgeisydd llwyddiannus gyflawni mewn modd annibynnol yn y clinigau ac ar y wardiau, gan redeg clinigau dan arweiniad nyrsys, darparu addysg i gleifion/staff, a chyflawni sgrinio/archwiliadau/triniaethau arbenigol ar gyfer cleifion Hepatoleg.

Prif ddyletswyddau'r swydd

• Bod yn ymarferydd annibynnol
• Darparu gofal sy'n seiliedig ar dystiolaeth, gan amlygu gwybodaeth ac arbenigedd o ran gofalu am gleifion â chlefydau hepatoleg.
• Bod yn gyfrifol am reoli llwyth achosion diffiniedig a datblygu clinigau dan arweiniad nyrsys yn unol â phrotocolau a gymeradwywyd gan y Bwrdd ar gyfer cleifion â chlefyd yr afu.
• Bod yn arbenigwr yn y maes clinigol a gorfod gwneud dyfarniadau o fewn ei rôl ddyddiol, sy'n gymhleth iawn.
• Cychwyn, trefnu a chynnal ymchwiliadau a phrofion priodol yn annibynnol, gan ddehongli a gweithredu ar ganlyniadau, a'u cyfleu mewn ffordd sensitif i'r claf.
• Ymgymryd â rheolaeth weithredol clinigau dan arweiniad nyrsys, a bod yn gyfrifol am hynny, yn unol â'r polisïau a'r protocolau a gymeradwywyd gan y Bwrdd Iechyd.
• Mynychu Clinigau Cleifion Allanol Ymgynghorol ac ardaloedd y wardiau yn ôl yr angeni roi cyngor a chymorth i gleifion a'u teuluoedd.
• Cymryd rhan mewn clinigau dan arweiniad nyrsys sydd wedi'u trefnu yn yr ysbyty, a datblygu gwasanaethau cymunedol.
• Bod yn atebol ac yn gyfrifol am bresgripsiynu triniaethau yn unol ag arfer sy'n seiliedig ar dystiolaeth a pholisïau a phrosesau y Bwrdd Iechyd (wrth ddal cymhwyster presgripsiynu anfeddygol).
• Egluro ac addasu meddyginiaethau yn unol â chynlluniau triniaeth unigol ar gyfer cleifion â feirysau a gludir yn y gwaed, yn ogystal â thriniaethau eraill ar gyfer clefyd yr afu.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.