Trosolwg o'r swydd

Cyfle cyffrous i ymuno â Bwrdd Iechyd Prifysgol Hywel Dda fel Pennaeth nesaf y Gwasanaethau Bydwreigiaeth yn y Grŵp Gofal Clinigol Plant, Menywod a Theuluoedd. Bydd y Pennaeth Bydwreigiaeth yn uniongyrchol atebol i'r Cyfarwyddwr Bydwreigiaeth a'r Arweinydd Llywodraethu Proffesiynol, gan gefnogi cynnydd strategol a chyfeiriad y gwasanaethau a meddu ar reolaeth weithredol.

Mae'r Pennaeth Bydwreigiaeth yn rôl arweinyddiaeth allweddol sy'n darparu cyfeiriad gweithredol a phroffesiynol ar gyfer gwasanaethau bydwreigiaeth a mamolaeth ar draws Bwrdd Iechyd Prifysgol Hywel Dda, yn unol â gofynion a safonau cenedlaethol a deddfwriaethol.

Bod yn gyfrifol am safonau gofal ac ymarfer proffesiynol ar gyfer Bydwragedd a staff cysylltiedig o fewn Mamolaeth.

Sicrhau bod systemau ar waith ar gyfer ail-ddilysu a rheoli perfformiad.
Bod yn atebol am ansawdd a diogelwch yn strwythurau Bydwreigiaeth a Mamolaeth.

Darparu arweinyddiaeth, cyfeiriad strategol, a chymorth proffesiynol i staff yn y gwasanaethau.

Bod yn rheolwr llinell uniongyrchol a darparu cymorth i'r Rheolwyr Bydwreigiaeth ledled y Grŵp Gofal Clinigol.

Mae gennym sawl safle ledled y Bwrdd Iechyd, gan gynnwys 2 uned arweiniol obstetreg ac uned fydwreigiaeth annibynnol a thimau bydwreigiaeth cymunedol amryfal, ynghyd â gwasanaethau gynaecoleg ac iechyd rhywiol ar sawl safle.

Prif ddyletswyddau'r swydd

Bydd deiliad y swydd yn gweithio gyda'r Cyfarwyddwr Bydwreigiaeth, yr Arweinydd Llywodraethu Proffesiynol, y Rheolwr Cyffredinol, Uwch-glinigwyr, a chyd-weithwyr yn y tîm amlddisgyblaethol i ddatblygu gwasanaeth integredig o ansawdd uchel, diogel, effeithiol ac effeithlon ar gyfer Bydwreigiaeth.

Darparu arweinyddiaeth wrth gyflawni amcanion y gwasanaeth ac amcanion corfforaethol.

Bydd deiliad y swydd yn galluogi proses effeithiol o ddarparu gwasanaethau integredig sy'n adlewyrchu anghenion y gymuned leol a ffordd symlach o ymdrin â gofal sy'n deg ac yn hygyrch.

Fel aelod allweddol o'r Grŵp Gofal Clinigol Plant, Menywod a Theuluoedd, bydd yn cymryd rhan mewn cynllunio strategol hirdymor ar gyfer darparu gwasanaethau er mwyn sicrhau eu bod yn cyd-fynd â chynlluniau trawsnewidiol cyffredinol y Bwrdd Iechyd ac yn diwallu anghenion y boblogaeth leol.

Crynhoi dogfennau a dadansoddi data o amrywiaeth o ffynonellau i ddatblygu opsiynau, risgiau a chyfleoedd i ddatblygu'r gwasanaethau.
Bod yn gyfrifol am weithredu a datblygu polisïau ar gyfer y gwasanaeth, ac fel rhan o'r Grŵp Gofal Clinigol Iechyd Plant, Menywod a Theuluoedd, cymryd rhan mewn cynllunio gwasanaethau a datblygu strategaethau hirdymor.

Cefnogi'r Tîm Rheoli Safle i sicrhau bod prosesau llif cleifion, rhyddhau a throsglwyddo gofal yn cael eu cynnal mewn modd effeithiol.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu