Trosolwg o'r swydd

Mae hwn yn gyfle cyffrous i ymuno â’n tîm Adsefydlu Ysgyfeintiol sy’n datblygu ym Mwrdd Iechyd Prifysgol Hywel Dda. Mae'r tîm Adsefydlu Ysgyfeiniol yn rhan o'r gwasanaeth Adsefydlu Aml-fodel. Mae hon yn rôl ran-amser am 22.5 awr yr wythnos (dydd Llun, dydd Mawrth a dydd Iau). Mae'r gwasanaeth yn gweithredu ar draws Bwrdd Iechyd y Brifysgol, sy'n cynnwys y tair sir, sef Sir Benfro, Ceredigion a Sir Gaerfyrddin. Byddai deiliad y swydd wedi'i leoli yn ysbyty Glangwili, ond mae'n bosibl y 
byddai disgwyl iddo ddarparu'r gwasanaeth ar draws Hywel Dda.

Mae adsefydlu ysgyfeiniol yn cynnwys ymarfer corff mewn dosbarthiadau mewn lleoliadau cymunedol, addysg, asesiadau ac ymweliadau â chartrefi. Rydym yn gweithio’n agos gyda’r Cynllun Cenedlaethol i Atgyfeirio Cleifion i Wneud Ymarfer Corff, ac yn ceisio datblygu cysylltiadau â darparwyr gweithgareddau yn y trydydd sector er mwyn cynnig rhagor o gymorth i’n defnyddwyr gwasanaethau ar ôl eu cwrs adsefydlu.

Bydd yr ymgeisydd llwyddiannus yn rhan o dîm therapi adsefydlu cyfeillgar, rhagweithiol, a bydd yn gweithio ar y cyd yn ein tîm amlddisgyblaethol yn y gymuned. Mae'r gwasanaeth arloesol hwn yn hybu twf ar gyfer staff a'r gwasanaethau a ddarperir.

Bydd disgwyl i chi weithio fel rhan annatod o’r tîm Adsefydlu Ysgyfeintiol, gan ddarparu gofal o ansawdd uchel, sy'n seiliedig ar dystiolaeth ac yn canolbwyntio ar yr unigolyn, i bobl ledled Hywel Dda.

Prif ddyletswyddau'r swydd

Bydd deiliad y swydd yn rhan o dîm presennol o ffisiotherapyddion sy'n gyfrifol am ddarparu gwasanaethau adsefydlu cleifion ym Mwrdd Iechyd Prifysgol Hywel Dda o fewn eu maes clinigol arbenigol diffiniedig. Bydd hyn yn golygu gweithio ar y cyd â thimau rhyngddisgyblaethol ac 
amlddisgyblaethol i ddarparu gofal holistaidd.

Bydd deiliad y swydd yn gyfrifol am reoli ei lwyth achosion ei hun a fydd yn cynnwys hunanatgyfeiriadau yn ogystal â rhai gan feddygon teulu, gweithwyr proffesiynol perthynol i iechyd, ymarferwyr gwasanaethau cymdeithasol a meddygon ymgynghorol. Bydd yn weithiwr proffesiynol annibynnol sy'n meddu ar lefel uchel o sgiliau ac arbenigedd clinigol a thechnegol, ac sy'n defnyddio sylfaen dystiolaeth i gynllunio, gweithredu a gwerthuso'r broses o reoli cleientiaid.

Bydd deiliad y swydd yn cymryd rhan yn y broses datblygiad proffesiynol parhaus, gan gynnwys addysgu/goruchwylio staff iau a myfyrwyr.

Bydd deiliad y swydd yn chwarae rhan allweddol wrth gefnogi'r broses o foderneiddio a datblygu'r gwasanaeth. Bydd hyn yn cynnwys cymryd rhan ym mhrosesau archwilio a gwerthuso y gwasanaeth.

Bydd yn ofynnol i ddeiliad y swydd gymryd rhan yn y gwaith o ddarparu gwasanaeth hyblyg saith niwrnod, yn seiliedig ar angen. Bydd hyn yn ôl trefn rota. Bydd gofyn i ddeiliad y swydd gyfrannu at ddarparu gwasanaeth anadlol ar alwad

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.