Trosolwg o'r swydd

A ydych yn chwilio am gyfle i newid eich ffordd o fyw? Gwell cydbwysedd rhwng bywyd a gwaith?

Yn sgil ehangu'r gwasanaethau CT cyfredol, rydym yn chwilio am unigolion llawn cymhelliant sy'n meddu ar agwedd hyblyg at anghenion y gwasanaeth i ymuno â'n tîm dynamig yma yn Ysbyty Glangwili yng Ngorllewin Cymru.

Mae gan yr adran CT ddau sganiwr gan gynnwys peiriant Aquilion Prime Prism Edition o'r radd flaenaf sy'n darparu ystod o ddelweddau i gefnogi atgyfeirwyr trawma, fflworosgopeg CT, fasgwlaidd, cyhyrysgerbydol, pediatrig ac oncoleg. Yn ystod y chwe mis nesaf byddwn yn datblygu gwasanaeth CT Cardiaidd.

Anogir hyfforddiant ôl-raddedig a dyrchafiad i statws uwch-ymarferydd. Mae gan y Bwrdd Iechyd lawer o ymarfer estynedig, gan gynnwys ffilm blaen, adroddiadau CT ac MRI ac astudiaethau bariwm/HSG a adroddir dan arweiniad radiograffwyr.

Mae’r ardal wedi’i hamgylchynu gan gefn gwlad hyfryd a thraethau prydferth Sir Gaerfyrddin, ac mae’n agos at Abertawe a dim ond awr i ffwrdd o Gaerdydd.

Rhaid i'r ymgeisydd llwyddiannus gymryd rhan yn y rota ar alwad.

Prif ddyletswyddau'r swydd

Mae Ysbyty Cyffredinol Glangwili, Caerfyrddin yn chwilio am Radiograffwyr Band 5.

Mae Ysbyty Cyffredinol Glangwili yn ysbyty cyffredinol dosbarth prysur, sydd â statws trawma mawr ar gyfer Gorllewin Cymru.

Anogir trefniadau ymestyn rolau, ac mae gennym brofion Llyncu Bariwm a hysterosalpingogramau dan arweiniad Radiograffwyr, ffilm blaen, gwaith adrodd Radiograffwyr CT ac MRI, a chyfleoedd ar gyfer astudiaeth ôl-raddedig, sy'n cynnwys hyfforddiant ar uwchsain. 

Mae gan yr adran wasanaeth ar alwad prysur, sy'n cael ei staffio ar y safle yn achos y gwasanaethau Cyffredinol a CT. Mae cymryd rhan yn y gwasanaeth ar alwad yn orfodol ar ôl cwblhau'r hyfforddiant a'r broses gynefino. Mae staff pob dull yn gweithio diwrnodau estynedig a phenwythnosau.

Bydd yr ymgeiswyr yn meddu ar BSc/DCR(R) mewn Radiograffeg Ddiagnostig, ac wedi'u cofrestru gyda'r Cyngor Proffesiynau Iechyd a Gofal (HCPC). Bydd yr ymgeiswyr llwyddiannus yn cael eu lleoli yn Ysbyty Cyffredinol Glangwili; fodd bynnag, bydd disgwyl iddynt fod yn hyblyg yn eu hagwedd at anghenion y gwasanaeth, ac efallai y bydd gofyn iddynt weithio ar safleoedd eraill yn y Bwrdd Iechyd. 

Anogir myfyrwyr a i wneud cais. 

Mae'r swydd yn un llawn-amser, ac mae hefyd yn golygu gweithio diwrnodau estynedig a bod ar y rota y tu allan i oriau. Mae croeso i chi wneud cais am swydd ran-amser neu i rannu swydd.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu