Trosolwg o'r swydd

Mae cyfle cyffrous wedi dod ar gael i arweinydd diogelu a nyrsio profiadol a llawn cymhelliant ymuno â thîm Nyrsio Corfforaethol y Bwrdd Iechyd. Bydd deiliad y swydd yn darparu arweinyddiaeth a chyfeiriad ar gyfer diogelu pobl ledled ardal ddaearyddol y Bwrdd Iechyd a bydd yn gweithio mewn partneriaeth â phartneriaid statudol ac asiantaethau eraill i gyflawni'r canlyniadau gorau i pobl Bwrdd Iechyd Prifysgol Hywel Dda. Mae cofrestru cyfredol gyda'r NMC yn hanfodol i gael eich ystyried ar gyfer y rôl hon.

Mae hwn yn gyfle unigryw a gwerth chweil yn eich gyrfa ym maes arweinyddiaeth diogelu. A chithau'n Bennaeth Diogelu, sy’n atebol i’r Cyfarwyddwr Cynorthwyol Nyrsio, Sicrwydd a Diogelu, byddwch yn 
darparu arweinyddiaeth diogelu arbenigol ar bob lefel o’r sefydliad. Byddwch yn arwain ac yn rheoli ein timau plant sy'n derbyn gofal, a'r timau diogelu plant ac oedolion ledled y Bwrdd Iechyd. 

Croesewir ceisiadau ar gyfer y rôl hon sy’n rhoi cyfle i’r ymgeisydd cywir ddarparu arweinyddiaeth gref ac ysbrydoledig i sicrhau bod y Bwrdd Iechyd yn cyflawni ei rwymedigaethau a’i gyfrifoldebau statudol 
o dan yr holl ddeddfwriaeth ar gyfer diogelu ac amddiffyn y cyhoedd. 

Prif ddyletswyddau'r swydd

Bydd deiliad y swydd yn:

• Cynghori'r Cyfarwyddwr Nyrsio Cynorthwyol, Cyfarwyddwr Nyrsio, aelodau’r Tîm Gweithredol a’r Prif Swyddog ar faterion diogelu plant, oedolion a diogelu'r cyhoedd.Mae'n cynnwys: canllawiau/newid deddfwriaethol Llywodraeth Cymru sy'n ymwneud â diogelu pobl sydd mewn perygl o gael eu cam-drin/esgeuluso; adolygiadau cenedlaethol allweddol; materion diogelu plant/ oedolion arwyddocaol, gan gynnwys canfyddiadau adolygiadau statudol.
• Arwain cyfraniad at waith y Bwrdd Diogelu Rhanbarthol, Rhwydwaith Diogelu GIG Cymru/ is-grwpiau, gan sicrhau bod y sefydliad yn chwarae rhan yn ddatblygu/ chyflawni cynlluniau partneriaeth a gwella. 
• Arwain gwaith o gynllunio/ datblygu Diogelu ledled y Bwrdd Iechyd i sicrhau ei fod yn cael ei ddarparu yn y modd gorau i ddiwallu anghenion datblygol y gwasanaeth. Bydd hyn yn cynnwys cynllunio strategol yn y tymor canolig a fydd yn golygu dadansoddi data/ thueddiadau diogelu ac amddiffyn y cyhoedd mewnol, amlasiantaethol, lleol, rhanbarthol a chenedlaethol, a chynllunio ar gyfer y dyfodol.
• Darparu cyngor a gwybodaeth arbenigol i’r holl wasanaethau y Bwrdd Iechyd ynghylch materion Diogelu gan gynnwys cyngor ar faterion sy’n ymwneud â phobl mewn swydd gyfrifol mewn perthynas â rôl ehangach diogelu’r cyhoedd. 
• Sicrhau bod y tîm diogelu yn darparu cymorth, goruchwyliaeth a hyfforddiant ar ddiogelu i’r staff sy’n ymwneud â phobl agored i niwed neu yn perygl o gael eu cam-drin.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.