Trosolwg o'r swydd

Rydym yn chwilio am unigolyn brwdfrydig a llawn cymhelliant i ymuno â'n tîm Radiograffeg Gyffredinol rhagorol yn Ysbyty Cyffredinol Llwynhelyg. Bydd yr ymgeisydd delfrydol yn ymarferydd medrus, yn drefnus, yn gallu ymaddasu, ac yn gallu amlygu rhinweddau arweinyddiaeth cryf.

Mae'r adran Radioleg yma yn Ysbyty Cyffredinol Llwynhelyg wedi elwa'n ddiolchgar o fuddsoddiad sylweddol gan Lywodraeth Cymru dros y tair blynedd ddiwethaf.

Mae llawer o'r cyfarpar yn newydd sbon, ac mae mwy o welliannau ar y gweill yn y dyfodol agos. Mae gennym amrywiaeth o ddulliau, gan gynnwys dau sganiwr CT, MRI, Meddygaeth Niwclear, Uwchsain, Ystafelloedd Pelydr-X Cyffredinol a Damweiniau ac Achosion Brys a Fflworosgopeg.

Rydym yn dîm bach, ond dynamig, sy'n cynnig cyfleoedd gwych i ehangu rolau yn y Bwrdd Iechyd, wrth i radiograffwyr adrodd ar ystod o astudiaethau, gan gynnwys CT a Meddygaeth Niwclear ac astudiaethau ôl-raddedig eraill.

Prif ddyletswyddau'r swydd

Gweithio yn yr ardal pelydr-X gyffredinol. Byddai hyn yn cynnwys delweddu pelydr-X yn achos cleifion allanol wedi'u trefnu a chleifion meddygon teulu sy'n galw i mewn; mân anafiadau, damweiniau ac achosion brys a chleifion mewnol. Cylchdroi trwy theatrau a 
systemau symudol, fflworosgopi a CT gyda'r potensial i weithio ar safleoedd cymunedol gan gynnwys Ysbyty Bwthyn Dinbych-y-pysgod.

Byddai cymryd rhan yn y system ar alwad y tu allan i oriau yn orfodol.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng 
• Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu