Trosolwg o'r swydd

Fel rhan o'n datblygiadau parhaus yn y gwasanaethau cardiofasgwlaidd, mae ein Hadran Cardioleg wedi tyfu i gynnwys gwasanaeth Rheoli Rhythmau Cardiaidd (CRM) sy'n ehangu. Rydym yn chwilio am Ffisiolegydd Cardiaidd Band 7 medrus a brwdfrydig sydd ag arbenigedd mewn CRM i ymuno â'n tîm ymroddedig yn Ysbyty'r Tywysog Philip, 
Llanelli.

Mae hwn yn gyfle cyffrous i gymryd rhan flaenllaw yn y gwaith o ddarparu a datblygu gwasanaethau CRM, gan gynnwys darparu gofal dilynol a rhaglennu rheolyddion calon, dyfeisiau ICD, a dyfeisiau CRT yn Ysbyty'r Tywysog Philip. Disgwylir i'r ymgeisydd llwyddiannus weithio'n annibynnol mewn clinigau dyfeisiau arbenigol a chyfrannu at y 
gwasanaeth cardioleg ehangach, gan gynnwys cefnogi'r broses o fewnblannu dyfeisiau cardiaidd a rheoli afreoleidd-dra'r galon lle bo'n briodol.

Byddwch yn gweithio'n agos gyda thîm amlddisgyblaethol o feddygon ymgynghorol, ffisiolegwyr cardiaidd, nyrsys arbenigol, a staff gweinyddol i ddarparu gwasanaeth o ansawdd uchel sy'n canolbwyntio ar y claf. Mae'r swydd hefyd yn cynnwys cyfrifoldebau am oruchwylio a datblygu staff iau a chymryd rhan mewn mentrau parhaus i wella gwasanaethau.

Prif ddyletswyddau'r swydd

• Rheoli ac arwain clinigau rheoli rhythmau cardiaidd (CRM) arbenigol yn annibynnol, gan gynnwys darparu gofal dilynol a rhaglennu rheolyddion calon, dyfeisiau ICD, a dyfeisiau CRT (monitro wyneb yn wyneb ac o bell).
• Darparu dehongliadau arbenigol o ddiagnosteg dyfeisiau a data clinigol, a chymryd camau priodol yn unol â phrotocolau clinigol neu ar y cyd â meddygon ymgynghorol cardioleg.
• Cefnogi'r broses o fewnosod dyfeisiau cardiaidd, gan gynnwys profi, rhaglennu a dogfennu yn ystod llawdriniaethau.
• Bod yn arweinydd clinigol yn y gwasanaeth CRM, gan gefnogi'r broses o ddatblygu gwasanaethau a gweithredu technolegau newydd ac arferion gorau.
• Darparu hyfforddiant, mentora a goruchwyliaeth i staff iau, myfyrwyr a hyfforddeion er mwyn sicrhau datblygiad proffesiynol parhaus ac arfer diogel.
• Cydweithio mewn tîm amlddisgyblaethol, mynychu cyfarfodydd perthnasol a chyfrannu at drafod achosion, archwiliadau, a gwerthuso gwasanaethau.
• Sicrhau y cofnodir yr holl weithgarwch clinigol mewn modd cywir ac amserol, gan gynnal safonau uchel o ran cadw cofnodion a chydymffurfio â pholisïau'r Bwrdd Iechyd a safonau cenedlaethol.
• Cymryd rhan mewn mentrau gwella ansawdd, archwiliadau, a gweithgarwch llywodraethu adrannol i gynnal a gwella safonau'r gwasanaethau.
• Cynorthwyo i reoli llwythi gwaith a chynllunio'r broses o gyflenwi gwasanaethau, gan gynnwys blaenoriaethu achosion brys a chydlynu amserlenni clinigau.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.