Trosolwg o'r swydd

Rydym yn chwilio am Glerc Ward brwdfrydig i ymuno â'n tîm i ddarparu cymorth gweinyddol i'r Uned Asesu Meddygol Acíwt (AMAU).

Bydd deiliad y swydd yn helpu i sicrhau bod yr agweddau gweinyddol ar y ward yn cael eu cyflawni mewn modd didrafferth, a hynny trwy gynorthwyo'r staff proffesiynol gyda dyletswyddau clercol a gweinyddol, y bydd deiliad y swydd yn chwarae rhan annatod ohonynt. 

Prif ddyletswyddau'r swydd

Mae gan yr Uned Asesu Meddygol Acíwt (AMAU) 24 o welyau, gan gynnwys tri gwely dadebru lle gallwn dderbyn cleifion brys yn uniongyrchol o’r ambiwlansys.

Rydym yn chwilio am rywun gweithgar, llawn cymhelliant, sy'n rhoi sylw manwl i fanylion, i helpu i gefnogi staff y ward gydag ystod eang o dasgau gweinyddol.

Bydd y dyletswyddau'n cynnwys diweddaru systemau cyfrifiadurol yr ysbyty, trin a thrafod cofnodion meddygol, ac ateb y ffonau. Bydd hyfforddiant llawn yn cael ei ddarparu.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio. 

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd 
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro.
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall 
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 97 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref
• Lleoliadau niferus yn darparu gwasanaethau iechyd meddwl ac anableddau dysgu