Neidio i'r prif gynnwys

Mae'r wefan hon yn annibynnol ar y GIG a'r Adran Iechyd.

Arhoswch, yn llwytho

Crynodeb o'r swydd

Prif leoliad
Deintyddol
Gradd
GIG AfC: Band 2
Contract
Parhaol: Yn ystod y tymor yn unig
Oriau
Oriau tymor ysgol - 37.5 awr yr wythnos (Oriau yn ystod y tymor yn unig)
Cyfeirnod y swydd
100-ACS257-1126
Cyflogwr
Bwrdd Iechyd Prifysgol Hywel Dda
Math o gyflogwr
NHS
Gwefan
Canolfan Feddygol Gelli-Onn
Tref
Llanelli
Cyflog
£26,300 y flwyddyn pro rata
Cyfnod cyflog
Yn flynyddol
Yn cau
23/11/2026 23:59
Dyddiad y cyfweliad
10/12/2026

Teitl cyflogwr

Bwrdd Iechyd Prifysgol Hywel Dda logo

Swyddog Cymorth Cynllun Gwên

GIG AfC: Band 2

Mae gwerthoedd Hywel Dda yn adlewyrchu pwy ydym ni a sut yr ydym yn ymddwyn. Rydym yn cyd-weithio’n barhaus i fod y gorau allwn fod wrth i ni ymdrechu i ddatblygu a darparu gwasanaethau rhagorol, gan roi pobl wrth galon popeth a wnawn. Trwy gydol ein proses recriwtio bydd gofyn i chi feddwl am sut y byddech chi’n byw y gwerthoedd hyn tra’n gweithio gyda ni.

Os ydych yn weithiwr Gofal Iechyd proffesiynol cofrestredig sy'n ystyried adleoli i ardal Hywel Dda yng Ngorllewin Cymru, mae croeso i chi gysylltu â'n tim ymgyrchoedd recriwtio yn uniongyrchol drwy [email protected]

I gael gwybod am ein gweithgarwch recriwtio diweddaraf, dilynwch ni ar Facebook (Swyddi Hywel Dda Jobs), LinkedIn neu ar Twitter @SwyddiHDdaJobs

Mae Bwrdd Iechyd Prifysgol Hywel Dda yn cadw'r hawl i gau swyddi gwag ar ôl 24 awr os derbynir nifer fawr o geisiadau addas. Rydym yn annog ceisiadau cynnar i sicrhau ystyriaeth am swydd.


 

Trosolwg o'r swydd

Rydym yn chwilio am unigolyn llawn cymhelliant i ymuno â’n Tîm Hyrwyddo Iechyd y Geg sydd wedi’i hen sefydlu.

Mae hon yn swydd lawn-amser, yn ystod y tymor yn unig (37.5 awr).

Bydd angen i chi amlygu’r gallu i weithio’n annibynnol i sicrhau bod ysgolion a lleoliadau meithrin yn cael eu cefnogi, a hynny i’w galluogi i gynnal gweithgarwch brwsio dannedd a farnais fflworid ar hyd y flwyddyn academaidd.

Rydym yn chwilio am unigolyn a fydd yn integreiddio’n dda yn y tîm ac sy’n barod i ddatblygu’r gweithgareddau Hyrwyddo Iechyd y Geg ehangach.

 

Prif ddyletswyddau'r swydd

Gan weithio dan gyfarwyddyd yr Ymarferydd Iechyd y Geg, byddwch yn cefnogi’r gwaith o gyflawni’r Rhaglen Iechyd y Geg, sef y Cynllun Gwên, trwy hyrwyddo ymddygiadau iechyd y geg cadarnhaol ymhlith plant, teuluoedd a gofalwyr. Mae’r rôl yn golygu darparu cyngor sylfaenol ar iechyd y geg, gan annog cyfranogiad mewn gweithgareddau iechyd y geg, a meithrin perthnasoedd cryf ag ysgolion a meithrinfeydd i gefnogi’r gwaith o gyflawni’r rhaglen. Byddwch hefyd yn cynorthwyo gyda digwyddiadau hybu iechyd, diwrnodau astudio, a mentrau sy’n canolbwyntio ar gleifion ledled y gymuned.

At hynny, byddwch yn darparu cymorth gweinyddol i’r tîm iechyd y geg, gan sicrhau bod cofnodion, tasgau casglu data a thasgau ar y cyfrifiadur yn cael eu cwblhau’n gywir. Yn rhan o’r rôl mae’n ofynnol gyrru faniau’r Cynllun Gwên a monitro gofynion cynnal a chadw’r cerbydau, gan gynnwys gwasanaethau, profion MOT ac atgyweiriadau. Byddwch yn cyfrannu at y gwaith parhaus o fonitro, gwerthuso a gwella’r gwasanaeth, gan helpu i gynnal safonau ansawdd, a hynny wrth reoli eich llwyth gwaith yn effeithiol i gefnogi’r broses o gyflawni amcanion y rhaglen yn llwyddiannus.

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saeneg wneud cais. 

Cyfweliadau i'w cynnal ar 10/12/2026

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio.

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

  • Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd
  • Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro
  • Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall
  • 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol;
  •  43 o bractisau offthalmig cyffredinol; ac 8 o ddarparwyr offthalmig cartref
  • Lleoliadau niferus yn darparu gwasanaethau iechyd meddwl ac anableddau dysgu

Swydd-ddisgrifiad a phrif gyfrifoldebau manwl

Gellir dod o hyd i ddisgrifiad swydd llawn a manyleb person ynghlwm yn y dogfennau ategol ar y tudalen hon.

Mae'r Bwrdd Iechyd yn ymrwymedig i gefnogi ei staff i gofleidio'r angen am ddwyieithrwydd, gan felly wella profiadau cleifion a defnyddwyr gwasanaethau. Yn rhan o'n hymrwymiad i gynyddu nifer y staff sy'n gallu cyfathrebu yn Gymraeg â chleifion a gweithwyr proffesiynol, rydym yn croesawu ceisiadau gan siaradwyr Cymraeg. 

Mae'r gallu i gyfathrebu yn Gymraeg yn ddymunol ar gyfer y swydd hon. Os nad ydych yn bodloni'r gofynion a nodir o ran y Gymraeg, mae'r Bwrdd Iechyd yn cynnig amrywiaeth o opsiynau dysgu a chymorth i staff i'ch helpu i fodloni'r gofynion dymunol hyn yn ystod eich cyflogaeth gyda ni. 

Manyleb y person

Cymwysterau a Gwybodaeth

Meini prawf hanfodol
  • TGAU Saesneg/Mathemateg neu gymhwyster lefel 2 cyfatebol
Meini prawf dymunol
  • Cymhwyster NVQ 2 yn ymwneud â maetheg neu gymhwyster cyfatebol, neu’n gweithio tuag at hynny
  • Dealltwriaeth o rôl Iechyd y Geg mewn perthynas ag iechyd a chlefydau

Profiad

Meini prawf hanfodol
  • Profiad o weithio mewn tîm ac o weithio gyda phobl
Meini prawf dymunol
  • Profiad blaenorol o leoliadau ysgolion

Arall

Meini prawf hanfodol
  • Y gallu i yrru yn rhan o’ch dyletswyddau, ac yn gallu cyrchu eich trafnidiaeth eich hun pan na fydd dulliau teithio eraill yn rhesymol ymarferol. Ystyrir y gofyniad hwn yn unol â Deddf Cydraddoldeb 2010 ac ystyrir addasiadau rhesymol lle bo hynny’n briodol
  • Yn meddu ar agwedd hyblyg at anghenion y gwasanaeth

Sgiliau iaith

Meini prawf dymunol
  • Siaradwr Cymraeg (Lefel 1)

Bathodynnau ardystio / achredu cyflogwyr

Veteran AwareNo smoking policyCymraegDisability confident employerStep into healthCarer Confident (With Welsh translation)Defence Employer Recognition Scheme (ERS) - GoldCore principlesStonewall 2023 Bronze

Gofynion ymgeisio

Mae'r swydd hon yn ddarostyngedig i Orchymyn Deddf Adsefydlu Troseddwyr 1974 (Eithriadau) 1975 (Diwygio) (Cymru a Lloegr) 2020 a bydd angen cyflwyno Datgeliad i'r Gwasanaeth Datgelu a Gwahardd.

Mae sgiliau iaith Gymraeg yn ddymunol

Dogfennau i'w lawrlwytho

Gwneud cais ar-lein nawr

Rhagor o fanylion / cyswllt ar gyfer ymweliadau anffurfiol

Enw
Ffion Williams
Teitl y swydd
Senior Oral Health Promotion Officer
Cyfeiriad ebost
[email protected]
Rhif ffôn
07813400384
Gwneud cais ar-lein nawrAnfonwch hysbysiadau ataf am swyddi gwag tebyg