Trosolwg o'r swydd

A ydych newydd gymhwyso neu'n chwilio am gyfle i newid gyrfa? A yw'r syniad o ddatblygu a dysgu mewn amrywiaeth o arbenigeddau clinigol yn apelio atoch?

Rydym yn chwilio am unigolyn llawn cymhelliant sy'n frwd dros wella gofal ac yn rhannu gwerthoedd ein bwrdd iechyd i ymuno â'n tîm bach gofalgar o fferyllwyr. Mae Ysbyty'r Tywysog Philip wedi'i leoli'n gyfleus ar hyd coridor yr M4 ac yn cwmpasu amrywiaeth o arbenigeddau meddygol a llawdriniaethau dewisol.

Byddwch yn ymuno â thîm o fferyllwyr a thechnegwyr profiadol, a chewch eich cefnogi mewn amgylchedd gwaith anogol i ddatblygu eich gyrfa ac ymgymryd â’r cymhwyster rhagnodi.   Byddwch yn rhan o'r broses gyffrous o gyflwyno'r gwasanaeth Presgripsiynu a Rhoi Meddyginiaethau yn electronig (ePMA) gan gefnogi cyd-weithwyr ar draws y tîm 
amlddisgyblaethol wrth i ni ymgorffori systemau digidol yn ein hymarfer. Byddwch yn cael cefnogaeth i ymgymryd â'ch cymhwyster presgripsiynu ac yn gweithio'n agos yn eich arbenigedd dewisol i feithrin eich sgiliau ymgynghori a'ch arbenigedd clinigol.

Bydd disgwyl i chi ymgymryd â rôl fferyllydd cyfrifol, a bydd gofyn i chi ymgymryd ag Ymrwymiad Dyletswydd Argyfwng (ar alwad), ynghyd â gweithio ar benwythnosau ac yn ystod gwyliau banc, yn rhan o rota.

Prif ddyletswyddau'r swydd

Bydd y candidate llwyddiannus yn ymgymryd â rôl fferyllydd clinigol yn ôl trefn rota gan weithio'n agos gyda chyd-weithwyr yn y fferyllfa a'r tîm amlddisgyblaethol ehangach. 

Bydd ein tîm bach a chyfeillgar yn eich cefnogi i ddatblygu eich ymarfer mewn ystod eang o feysydd clinigol. Mae'r rhan fwyaf o'r fferyllwyr a gwblhaodd hyfforddiant sylfaen yn camu ymlaen yn yr adran a'r Bwrdd Iechyd ac yn parhau i bresgripsiynu a datblygu eu rôl yn eu harbenigedd 
dewisol. 

Mae'r swydd yn cynnwys cyfleoedd datblygu ffurfiol trwy Raglen Hyfforddiant Sylfaen Ôl-gofrestru AaGIC. Mae'r cymhwyster hwn yn darparu sylfaen i ddatblygu gyrfa ragorol, ynghyd â llwyfan ar gyfer datblygiad proffesiynol a phersonol. I fodloni’r meini prawf ar gyfer rhaglen hyfforddi ôlsylfaen AaGIC, rhaid i chi fod yn cymhwyso ym mis Gorffennaf 2025, neu dylech fod wedi cofrestru gyda’r Cyngor Fferyllol Cyffredinol ar ôl mis Gorffennaf 2024.

Mae hon yn swydd cyfnod penodol/secondiad tan 31/08/2027 oherwydd cyllid.

Os ydych chi'n gyflogai i Fwrdd Iechyd Prifysgol Hywel Dda ac yn gwneud cais am y swydd hon fel secondiad, mae angen cytundeb ar gyfer yr secondiad gan eich rheolwr presennol cyn gwneud cais.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.