Trosolwg o'r swydd

A ydych yn chwilio am her newydd? A ydych yn frwdfrydig ynghylch hyfforddi cenhedlaeth newydd o Fferyllwyr, wrth barhau i ddatblygu eich arbenigedd clinigol? 

Mae cyfle cyffrous a heriol wedi dod ar gael ar gyfer Uwch-fferyllydd Clinigol brwdfrydig, blaengar a llawn cymhelliant i arwain y gwasanaeth fferyllol a ddarperir i faes meddygol yn Ysbyty'r Tywysog Philip, ac ymarferydd addysgu ym Mhrifysgol Abertawe, i gyflwyno a chefnogi'r cwrs MPharm. Bydd y swydd wedi'i rhannu, a byddwch yn treulio deuddydd yr wythnos yn gweithio ar Gampws Singleton y Brifysgol a thridiau yn yr ysbyty acíwt. Mae'r swydd yn un lawn-amser, ond rhoddir ystyriaeth i geisiadau am waith rhan-amser a rhannu swydd. 

Rydym yn dîm blaengar sy’n canolbwyntio ar y claf ac yn gweithio’n agos gyda’r timau amlddisgyblaethol i wella diogelwch cleifion trwy roi cyngor proffesiynol i bresgripsiynwyr, cynllunio ar gyfer rhyddhau cleifion, a mynychu rowndiau wardiau y meddygon ymgynghorol. Rydym yn gweithio'n barhaus i ysgogi arloesedd a datblygu staff, er mwyn cefnogi'r gwasanaeth fferyllol a chaniatáu rhagor o amser i gefnogi gofal uniongyrchol i gleifion. Byddwch yn rhan o'r broses gyffrous o gyflwyno'r gwasanaeth Presgripsiynu a Rhoi Meddyginiaethau yn Electronig (ePMA) gan gefnogi cyd-weithwyr ar draws y tîm amlddisgyblaethol wrth i ni ymgorffori systemau digidol yn ein hymarfer. 

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Prif ddyletswyddau'r swydd

Rydym yn chwilio am unigolyn llawn cymhelliant sy'n teimlo'n angerddol ynghylch gwella hyfforddiant ac addysg Fferyllwyr. Yn y brifysgol byddwch yn rhan o'r tîm Fferylliaeth, ac yn cyfrannu at gyflwyno'r rhaglen MPharm a darparu cefnogaeth fugeiliol a phroffesiynol i fyfyrwyr.

Yn rôl Uwch-fferyllydd, byddwch yn gyfrifol am gydgysylltu a darparu gwasanaeth fferyllol clinigol sy'n canolbwyntio ar y claf. Bydd yr ymgeisydd llwyddiannus yn gweithio ar wardiau meddygol cyffredinol, gan ddatblygu ei rôl fferyllol gyda'r potensial i ddatblygu mewn clinigau dan arweiniad fferyllwyr i fod yn Bresgripsiynydd Annibynnol.

Byddwch yn gweithio gyda'r tîm amlddisgyblaethol, yn monitro gwariant ariannol ac ymgymryd â phrosiectau ymchwil a gwella gwasanaethau, ynghyd â chefnogi'r gwasanaethau fferyllol craidd yn y ddosbarthfa ac ar wardiau. A chithau'n ymarferydd addysgu, byddwch yn sicrhau bod israddedigion fferylliaeth yn meithrin sgiliau proffesiynol a chlinigol, yn ogystal â sgiliau sy'n canolbwyntio ar y claf, trwy gydol eu hyfforddiant. Byddwch yn cyflwyno darlithoedd a gweithdai ac yn chwarae rhan bwysig yn y broses o werthuso ymarfer clinigol, fferyllol a sgiliau proffesiynol. Byddwch yn gweithio'n agos gyda chyd-weithwyr yn y Grŵp Addysgu Ymarfer Fferylliaeth, a hefyd yn cefnogi'r gwaith o weinyddu'r cwrs.

Fel rhan o'n tîm fferylliaeth cyfeillgar a brwd, byddwch yn cyfrannu at y broses o optimeiddio meddyginiaethau. 

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio. 

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu.

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr.

Darperir ein gwasanaethau yn:

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlffordd 
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro ·
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall 
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartref 
• Lleoliadau niferus yn darparu gwasanaethau iechyd meddwl ac anableddau dysgu