Trosolwg o'r swydd

A ydych yn Ffisiotherapydd dynamig ac ymroddedig sy’n chwilio am gyfle gwerth chweil i gael effaith sylweddol ar fywydau unigolion yng nghymuned Bwrdd Iechyd Prifysgol Hywel Dda?

Dyma'r swydd i ch! Ar hyn o bryd rydym yn chwilio am Ffisiotherapydd hynod fedrus, llawn cymhelliant i ymuno â'n Tîm Adsefydlu Cymunedol yn Sir Gaerfyrddin.

O fod yn Ffisiotherapydd Cymunedol Arbenigol, byddwch yn cyfrannu at batrwm sy'n blaenoriaethu unigrywiaeth unigolion ac yn grymuso cleifion i gyflawni'r gweithrediad a'r ffyniant gorau posibl. Mae ein diwylliant yn seiliedig ar gydweithio, tosturi a chyd-ymrwymiad i gyflawni rhagoriaeth. Dyma swydd lle bydd eich angerdd yn cael ei roi ar waith, a daw eich ymrwymiad yn gatalydd i lunio naratif adsefydlu ein cymuned.

Mae'r Tîm Cymunedol Ffisiotherapi yn tyfu ac yn esblygu'n gyflym. Mae'r buddsoddiad ychwanegol hwn wedi amlygu ymrwymiad y Bwrdd Iechyd i wella mynediad at wasanaethau adsefydlu mor agos i gartref â phosibl i'n poblogaeth.

Bydd deiliad y swydd yn gweithio'n agos fel rhan o dîm amlddisgyblaethol dynamig ehangach, mwy o faint, o Therapyddion Galwedigaethol, Nyrsys, Gweithwyr Cymdeithasol, Deietegwyr, Fferyllwyr Cymunedol a Gwasanaethau'r Trydydd Sector i enwi dim ond rhai. Er mwyn darparu gofal amserol, di-dor sy'n canolbwyntio ar y claf, mae'n hanfodol integreiddio â'r Ysbytai Acíwt, Ysbytai Cymunedol, y Gwasanaethau Blaen Tŷ (TOCALS) a'r Gwasanaethau Gofal Canolraddol.

Prif ddyletswyddau'r swydd

Bydd deiliad y swydd yn asesu, datblygu a gweithredu cynlluniau triniaeth personol, sydd wedi'u cydgynhyrchu, ar gyfer cleifion ag ystod amrywiol o gyflyrau, a hynny yn eu cartrefi eu hunain, mewn dosbarthiadau yn y gymuned ac mewn clinigau cleifion allanol. Rydym yn rhoi pwyslais cryf ar ofal sy'n canolbwyntio ar y claf er mwyn meithrin annibyniaeth a llesiant.

Bydd deiliad y swydd yn cyfrannu at y broses o hyrwyddo mentrau i roi strategaethau adsefydlu blaengar ar waith, i ddatblygu gwasanaethau ac i gyfrannu at enw da ein sefydliad am arloesi. 

Bydd yn ofynnol i ddeiliad y swydd gymryd rhan yn y gwaith o ddarparu gwasanaeth hyblyg saith niwrnod, yn seiliedig ar anghenion y gwasanaeth ac yn ôl trefn rota. Bydd ganddo'r sgiliau gofynnol i gymryd rhan yn y gwasanaeth anadlol Ar Alwad a Mewngymorth Penwythnos.

Bydd yn ofynnol i'r ymgeisydd feddu ar allu rhagorol i reoli a blaenoriaethu llwyth achosion amrywiol, a bydd disgwyl iddo gefnogi a goruchwylio staff Ffisiotherapi iau, a gallu teithio rhwng safleoedd ac yn y gymuned mewn modd amserol. 

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n tri awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

Pum ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion). 
Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.