Trosolwg o'r swydd

Rydym yn chwilio am Wrolegydd Ymgynghorol rhagweithiol ac ymroddedig i ymuno â'n tîm profiadol a chefnogol ym Mwrdd Iechyd Prifysgol Hywel Dda. Mae hwn yn gyfle gwych i gyfrannu at ddarparu gofal wrolegol o ansawdd uchel, sy'n canolbwyntio ar y claf ar draws rhanbarth mawr ac amrywiol, a’r gwasanaethau’n rhychwantu Sir Gaerfyrddin, Ceredigion a Sir Benfro.

Yn gweithio’n bennaf o Ysbytai Cyffredinol Glangwili a’r Tywysog Phillip, byddwch yn ymuno â grŵp sefydledig o gyd-weithwyr ymgynghorol sy'n darparu gwasanaethau wroleg cynhwysfawr ar draws nifer o safleoedd ysbyty. Byddwch yn cyfrannu at ehangder llawn ymarfer wroleg gyffredinol, yn cymryd rhan mewn rota 1:7 ar alwad gyda chefnogaeth gradd ganol, ac yn cymryd rhan weithredol yng nghyfarfodydd wythnosol y tîm amlddisgyblaethol. Mae'r swydd yn cynnwys cwmpas i ddatblygu neu atgyfnerthu diddordebau is-arbenigedd ac i gydweithio â phartneriaid rhanbarthol, gan gynnwys Bwrdd Iechyd Prifysgol Bae Abertawe.

Rydym yn chwilio am gyd-weithiwr sy'n dod â brwdfrydedd, arweinyddiaeth glinigol gref, ac ymrwymiad i weithio amlddisgyblaethol. Fe’ch cefnogir gan ein Rhaglen Datblygu a Mentora Ymgynghorwyr gynhwysfawr, sydd wedi'i chynllunio i helpu ymgynghorwyr newydd i bontio’n hyderus i'w rôl a datblygu i fod yn arweinwyr y dyfodol.

Prif ddyletswyddau'r swydd

A chithau’n Wrolegydd Ymgynghorol ym Mwrdd Iechyd Prifysgol Hywel Dda, byddwch yn chwarae rôl allweddol wrth ddarparu gwasanaethau wroleg diogel, effeithiol sy'n canolbwyntio ar yr unigolyn ar draws ein safleoedd ysbytai. Bydd eich gwaith yn cwmpasu gofal cleifion allanol, diagnosteg, sesiynau theatr, rheoli cleifion mewnol, cyfranogi yn y tîm amlddisgyblaethol a chyfrifoldebau ar alwad, gyda chefnogaeth tîm amlddisgyblaethol medrus.

Byddwch yn darparu asesiadau, ymchwiliadau a thriniaeth arbenigol i gleifion ag ystod eang o gyflyrau wrolegol, gan sicrhau safonau clinigol uchel a chyfrannu at ddiwylliant o ddysgu, datblygu a gwella parhaus. Mae rhan graidd o'r rôl yn cynnwys cydweithio â chyd-weithwyr ymgynghorol, nyrsys arbenigol, meddygon iau a phartneriaid rhanbarthol i ddarparu llwybrau cleifion di-dor a chynnal trefniadau llywodraethu clinigol cadarn.

Yn ogystal â dyletswyddau clinigol uniongyrchol, byddwch yn cyfrannu at addysgu a goruchwyliaeth hyfforddeion meddygol a gweithwyr proffesiynol eraill, gan gefnogi ein diwylliant addysgu cryf a helpu i lunio'r genhedlaeth nesaf o glinigwyr. Byddwch yn cael eich annog i gymryd rhan mewn gweithgareddau archwilio, datblygu gwasanaethau ac ymchwil, ac i ddefnyddio eich sgiliau arwain i helpu i lunio ac esblygu dyfodol gwasanaethau wroleg yn y Bwrdd Iechyd.

Gweithio i'n sefydliad

Mae Bwrdd Iechyd Prifysgol Hywel Dda yn darparu gwasanaethau gofal iechyd GIG i bobl sy’n byw yn Sir Gâr, Sir Benfro a Cheredigion, a siroedd sy’n ffinio. 

Mae gennym dros 13,000 o staff a gyda’n gilydd rydym yn darparu gwasanaethau cynradd, cymuned, yn yr ysbyty, iechyd meddwl ac anghenion dysgu. 

Gweithiwn mewn partneriaeth gyda’r tri awdurdod lleol, yn ogystal â chydweithwyr cyhoeddus, preifat a trydydd sector, a hefyd ein tîm o wirfoddolwyr gwerthfawr. 

Darperir ein gwasanaethau yn: 

• Pedwar prif ysbyty: Ysbyty Bronglais yn Aberystwyth; Ysbyty Glangwili yng Nghaerfyrddin; Ysbyty Tywysog Philip yn Llanelli; ac Ysbyty Llwynhelyg yn Hwlfford 
• Pum ysbyty cymunedol: Ysbytai Dyffryn Aman a Llanymddyfri yn Sir Gâr; Ysbyty Tregaron yng Ngheredigion; ac Ysbytai Dinbych y Pysgod a De Sir Benfro yn Sir Benfro 
• Dau ganolfan gofal integredig: Aberaeron ac Aberteifi yng Ngheredigion; a nifer o safleoedd cymunedol arall 
• 47 o bractisiau cyffredinol (chwech ohonynt a rheolir gan y Bwrdd Iechyd); practisau deintyddol (gan gynnwys pedwar orthodontig); 99 o fferyllfeydd cymunedol; 43 o bractisau offthalmig cyffredinol; ac 8 o ddarparwyr offthalmig cartre 
• Lleoliadau niferus yn darparu gwasanaethau iechyd meddwl ac anableddau dysgu