NHSJobs.com

Trosolwg o'r swydd

MAE’R SWYDD HON AM GYFNOD PENODOL/SECONDIAD AM 12 MIS (01.04.25) OHERWYDD CYFNOD MAMOLAETH

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

A ydych yn Ddeietegydd brwdfrydig a dynamig sy'n meddu ar sgiliau rhagorol o ran gweithio mewn tîm? Mae cyfle wedi dod ar gael i ymuno â’n tîm cymunedol Deieteg blaengar a dynamig ledled Hywel Dda, a hynny er mwyn mynd i’r afael â diffyg maeth yn rhan o’n hachos busnes Diffyg Maeth. Mae’r gwasanaeth wedi cael buddsoddiad sylweddol i fynd i’r afael â diffyg maeth, ac, o ganlyniad, mae’r swydd hon yn cynnig cyfle cyffrous i gydweithio â’r tîm cymunedol ehangach i ddelio â diffyg maeth yn y gymuned, yn ogystal â chefnogi gwaith prosiect cyffrous ac arloesol megis hunansgrinio ar gyfer diffyg maeth, clinigau rhithwir, llwyfannau digidol a ffyrdd newydd o weithio.

Prif ddyletswyddau'r swydd

Bydd deiliad y swydd yn gyfrifol am lwyth achosion cymhleth o gleifion cymorth maethol cymunedol, a bydd hefyd yn ymgysylltu â chyfarfodydd tîm amlbroffesiynol dan arweiniad meddygon teulu i ymgorffori gofal maethol, ac yn darparu cyngor a chymorth maethol arbenigol i'r tîm ehangach o ran sgrinio maethol, llwybrau atgyfeirio a chynllunio gofal maethol. Bydd hyfforddiant ac addysg yn rhan allweddol o'r rôl hon. Mae'r swydd hon yn cynnig y gallu i weithio'n hyblyg gartref wedi'i gydbwyso â'r cyfle i gael eich lleoli ar y safle (o leiaf un diwrnod yr wythnos). Bydd deiliad y swydd yn cynnal ymweliadau cymunedol, yn mynychu cyfarfodydd tîm amlddisgyblaethol ac yn mynychu apwyntiadau 'Attend Anywhere' neu glinigau wyneb yn wyneb.

Rydym yn ymfalchïo yn y gwasanaeth ein bod yn dîm cefnogol, ac rydym yn croesawu ymgeiswyr sy'n dymuno trafod cyfleoedd ar gyfer gweithio'n hyblyg a gweithio o bell.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.