Trosolwg o'r swydd

Offthalmolegydd Ymgynghorol sydd â diddordeb arbennig mewn Llawfeddygaeth Fitreo-retinol

Bydd yr ymgeisydd llwyddiannus yn rheoli clinigau Fitreo-Retina, Retina Meddygol ac Offthalmoleg Gyffredinol. Bydd yn gyfrifol am bob agwedd ar ofal llawdriniaethol ei gleifion. Yn ogystal ag arbenigedd ym maes fitreo-retina, disgwylir i ddeiliad y swydd fod â phrofiad helaeth o lawdriniaethau cataract cymhleth, triniaethau offthalmig brys cyffredinol, laserau a thrawma i belen y llygad, gan gynnwys anaf treiddiol.

Prif ddyletswyddau'r swydd

Bydd deilydd y swydd yn darparu gwasanaeth clinigol, gyda chydweithwyr, a fydd yn cynnwys cyfrifoldeb dros atal, diagnosio a thrin salwch. Gan weithio gyda chydweithwyr sy’n feddygon ymgynghorol a'r tîm amlbroffesiwn, bydd gan ddeilydd y swydd gyfrifoldeb parhaus dros les yr holl gleifion sydd dan ei ofal; gan ei gwneud yn bosibl i ddirprwyo i staff a’u hyfforddi’n briodol. 

Mewn partneriaeth â chydweithwyr clinigol a rheoli, bydd deilydd y swydd hefyd yn gyfrifol am weithredu’r gwasanaethau’n ddiogel, yn effeithlon ac yn effeithiol, gan weithio yn unol â gwerthoedd y Bwrdd Iechyd. 
Dylai deilydd y swydd gymryd rhan ym mhob agwedd ar waith yr adran gan gynnwys addysgu, archwilio, gofal a gynlluniwyd, a gofal ar gyfer trawma.

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru, ac mae ganddo gyllideb gwerth mwy nag £2.4 biliwn ac mae'n cyflogi mwy na 20,000 aelod o staff yn ei weithlu. Mae'r Bwrdd Iechyd darparu gwasanaethau sylfaenol, cymunedol, iechyd meddwl ac ysbytai aciwt ar gyfer poblogaeth Gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl a gwasanaethau ysbytai acíwt ac arbenigol mewn 3 ysbyty acíwt, 22 ysbyty cymunedol a rhwydwaith o ganolfannau iechyd, clinigau, canolfannau timau iechyd yn y gymuned ac unedau iechyd meddwl. Mae hefyd yn cydlynu neu’n darparu gwaith practisau meddygon teulu a gwasanaethau’r GIG a ddarperir gan ddeintyddion, optegwyr a fferyllwyr ar draws y rhanbarth.

Mae'r Bwrdd Iechyd yn system iechyd integredig sy'n ymdrechu i ddarparu gofal tosturiol rhagorol gan gydweithio â'r sector cyhoeddus a sefydliadau statudol eraill, a sefydliadau yn y trydydd sector.