NHSJobs.com

Trosolwg o'r swydd

Mae Adran Achosion Brys Bangor yn unigryw. Wedi'i leoli rhwng mynyddoedd Eryri ac Ynys Môn, dyma'r lle i fwynhau Meddygaeth Frys gwledig. Mae ein hadran hapus a chyfeillgar (sy'n gweld dros 52,000 o gleifion y flwyddyn) yn datblygu'n gyflym wrth i ni ddilyn ein nod o ragoriaeth mewn Meddygaeth Frys gwledig.

Rydym yn dymuno penodi Meddyg Ymgynghorol Locum am 8 sesiwn am 12 mis o 1 Medi 2024. Rydym yn cynnig rota gwaraidd 1 mewn 8, ac mae'r cytundeb Meddygon Ymgynghorol Cymru yn seiliedig ar 7 DCC: 3 SPA sy'n darparu hyblygrwydd mewn cynllunio swydd.

O ran bywyd yng Ngogledd Cymru, os ydych yn hoff o weithgareddau awyr agored, byddwch yn eich elfen yma: mae popeth o gerdded mynyddoedd i hedfan barcud ar garreg y drws. Ac eto, rydym ond taith awr mewn car o Gaer a'r M6 a tair awr o Lundain gyda thrên.

Cliciwch ar www.mountainmedicine.co.uk  i ddarganfod pam fod Gogledd Cymru yn lle gwych i fyw, ac i gael llawer mwy o wybodaeth am ein hadran Achosion Brys.

Prif ddyletswyddau'r swydd

·       Yr Arweinydd Clinigol yr Adran Achosion Brys.

 ·       Byddai disgwyl i chi gyfrannu at weithgareddau clinigol ac addysgol yn y gyfarwyddiaeth fel y pennir gan y Meddyg Ymgynghorol ar eich tîm a darparu gwasanaeth o ansawdd uchel i'r boblogaeth leol gan gynnwys ymrwymiad brys ar alwad.

 ·       Y Rota ar-alwad disgwyliedig cyfredol yw 1:8. Byddwch yn 1 o 8 ar-alwad. Bydd angen i chi gyflenwi ar gyfer gwyliau eich cydweithwyr.

 ·       Cynorthwyo gyda meddygon ymgynghorol penodedig gyda goruchwylio hyfforddai iau a'u haddysgu.

 ·       Cyfrannu at weithgareddau llywodraethu clinigol lleol, gan gynnwys archwiliad clinigol a mentrau risg clinigol.

 ·       Bydd gofyn i chi gydweithredu â rheolwyr lleol i gynnal gwasanaethau'n effeithiol a bydd disgwyl i chi rannu gyda chydweithwyr y cyfraniad meddygol at reoli. 

 ·       Yn amodol ar Amodau a Thelerau'r Gwasanaeth, bydd disgwyl i chi gadw at bolisïau a gweithdrefnau'r Bwrdd Iechyd, sy'n cael eu llunio wrth ymgynghori â'r proffesiwn lle maent yn cynnwys materion clinigol.

 ·       Bydd disgwyl i chi ddilyn polisïau a gweithdrefnau cyflogaeth a phersonél lleol a chenedlaethol o ran rheoli gweithwyr y Bwrdd Iechyd.

 ·       Mae gweithgareddau addysgol ac addysgu adrannol wythnosol rheolaidd, ynghyd â chyfleoedd i fynychu cyrsiau priodol a fyddai'n cyflawni eich gofynion CPD.

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru a chanddo gyllideb o £1.7 biliwn a gweithlu o dros 19,000 o staff. Mae’r Bwrdd Iechyd yn darparu gwasanaethau sylfaenol, eilaidd, cymunedol, iechyd meddwl ac ysbytai acíwt i boblogaeth gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl ac ysbytai acíwt ac arbenigol ar draws 3 ysbyty acíwt, 22 ysbyty cymunedol a rhwydwaith o dros 90 o ganolfannau iechyd, clinigau, canolfannau timau iechyd cymunedol ac unedau iechyd meddwl. Mae BPIBC hefyd yn cydlynu, neu’n darparu gwaith 113 o bractisau meddygon teulu a’r gwasanaeth GIG a ddarperir gan ddeintyddion, optegwyr a fferyllwyr ar hyd a lled y rhanbarth.

Mae’r Bwrdd Iechyd yn system iechyd integredig sy’n ymdrechu i ddarparu gofal tosturiol mewn partneriaeth â’r cyhoedd a sefydliadau statudol a thrydydd sector eraill. Mae BIPBC wedi datblygu perthynas â’r prifysgolion yng ngogledd Cymru ac mae, ynghyd â Phrifysgol Bangor, yn ceisio statws ysgol feddygol ac yn gweithredu mewn diwylliant dysgu sy’n gyfoeth o ymchwil.