Trosolwg o'r swydd

Mae gan y Bwrdd Iechyd weledigaeth ac uchelgais glir i ddarparu gwasanaethau gofal iechyd gwirioneddol ragorol ar gyfer pob un o'i gymunedau ac felly, mae wedi sefydlu Gwasanaeth Patholeg Gellol integredig sy'n gweithredu o adran bwrpasol newydd sbon yn Ysbyty Glan Clwyd. Mae'r Ganolfan wedi rhoi system Leica Aperio ar waith i ddatblygu datrysiad digidol unigryw ar gyfer patholeg sy'n rhoi'r Bwrdd Iechyd ar flaen y gad o ran darpariaeth Gwasanaeth Patholeg Gellol yn y DU. Un o agweddau annatod y strategaeth hon yw'r posibilrwydd o feithrin cysylltiadau newydd gyda'r canolfannau arbenigol yng Nghymru a thu hwnt.

Wedi cyffroi am y cyfle hwn i arloesi o ran datrysiadau cyfoes a fydd yn trawsnewid darpariaeth gwasanaethau patholeg ar draws ôl-troed eang iawn, yng Nghymru a thu hwnt

Byddwch yn cynnig arddull ffres, entrepreneuraidd ac sy'n naturiol greadigol ynghyd â'r natur benderfynol i gyflwyno darpariaeth gwasanaeth ardderchog sy'n eich gosod ar wahân i'ch cymheiriaid. Mae hwn yn gyfle eithriadol i ymuno â gwasanaeth patholeg blaengar ac i ymgeiswyr sydd â diddordeb mewn moderneiddio gwasanaethau i ddatblygu eu gyrfaoedd.

 

Prif ddyletswyddau'r swydd

Mae'r swydd yn cynnwys 10 sesiwn (mwy neu lai) fel y cytunir arno gyda'r ymgeisydd llwyddiannus. Mae'r penodiad yn cynnwys gwasanaethu'r Bwrdd Iechyd cyfan, a bydd y brif ganolfan weithio ar safle Ysbyty Glan Clwyd.

Mae'r ymrwymiad histopatholeg yn cynnwys darparu gwasanaeth histopatholegol cynhwysfawr ar gyfer BIPBC. Mae'r ymrwymiad sytopatholeg, o'i ddilyn, yn cynnwys darparu gwasanaeth nad yw'n ymwneud â gynaecoleg ar gyfer BIPBC.  

Bydd disgwyl i'r sawl a benodir gymryd rhan mewn Cyfarfodydd Clinigol-Batholegol a chyfrannu atynt ac addysgu gan gynnwys timau amlddisgyblaethol canser.

Bydd gofyn i ddeilydd y swydd gyflawni dyletswyddau gweinyddol ac ysgrifennyddol yn ôl yr angen ac mae angen sicrhau gweithrediad esmwyth yr Adran yn yr holl ysbytai. Mae trefniadau rheoli'r Adran yn cydymffurfio â Chylchlythyr Iechyd Cymru (IS)27.

Bydd disgwyl i'r sawl a benodir gymryd rhan mewn archwiliadau yn yr adran ac yn allanol, a hefyd i gymryd rhan mewn cynlluniau EQA perthnasol.

 

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru, ac mae ganddo gyllideb gwerth mwy nag £2.4 biliwn ac mae'n cyflogi mwy na 20,000 aelod o staff yn ei weithlu. Mae'r Bwrdd Iechyd darparu gwasanaethau sylfaenol, cymunedol, iechyd meddwl ac ysbytai aciwt ar gyfer poblogaeth Gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl a gwasanaethau ysbytai acíwt ac arbenigol mewn 3 ysbyty acíwt, 22 ysbyty cymunedol a rhwydwaith o ganolfannau iechyd, clinigau, canolfannau timau iechyd yn y gymuned ac unedau iechyd meddwl. Mae hefyd yn cydlynu neu’n darparu gwaith practisau meddygon teulu a gwasanaethau’r GIG a ddarperir gan ddeintyddion, optegwyr a fferyllwyr ar draws y rhanbarth.

Mae'r Bwrdd Iechyd yn system iechyd integredig sy'n ymdrechu i ddarparu gofal tosturiol rhagorol gan gydweithio â'r sector cyhoeddus a sefydliadau statudol eraill, a sefydliadau yn y trydydd sector.