Trosolwg o'r swydd

Mae cyfle wedi codi ar gyfer meddyg ymgynghorol parhaol, llawn amser (10 sesiwn) ar gyfer y Newydd-anedig neu Baediatregydd sydd â diddordeb arbennig mewn swydd neonatoleg ym Mwrdd Iechyd Prifysgol Betsi Cadwaladr i ymuno â'r tîm presennol o feddygon ymgynghorol y newydd-anedig, a fyddai’n gwneud cyfanswm o saith meddyg ymgynghorol parhaol. Yr uned babanod newydd-anedig yw'r Ganolfan Is-ranbarthol ar gyfer Gofal Dwys i'r Newydd-anedig (SuRNICC) yn Ysbyty Glan Clwyd. 

Prif ddyletswyddau'r swydd

Cydlynu gofal i fabanod newydd-anedig a gofal amenedigol ar draws Gogledd Cymru, gyda'r nod o ddarparu gwasanaeth o ansawdd uchel, diogel a chyfannol mor agos â phosibl at gartref y teulu. Bydd hyn yn dibynnu ar reoli capasiti'r rhwydwaith yn dda, ac ar ddatblygu gwasanaethau mewn ysbytai cyfagos fel bod babanod nad oes angen gofal dwys arnynt mwyach yn gallu cael dychwelyd yn gynnar. Bydd angen i ddeiliad newydd y swydd ddatblygu perthynas waith gyda chydweithwyr yn Wrecsam a Bangor, a darparu unrhyw gymorth y gallai fod ei angen arnynt. Yn ogystal â hynny, mae hefyd yn bwysig meithrin perthynas â Meddygon Ymgynghorol yng Nglannau Mersi a Gogledd-orllewin Lloegr, er mwyn gallu cael mynediad at wasanaethau trydyddol nad ydynt ar gael yng Ngogledd Cymru – ee llawdriniaethau ar y galon a llawdriniaethau i fabanod newydd-anedig yn Ysbyty Alder Hey.

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru, ac mae ganddo gyllideb gwerth mwy nag £2.4 biliwn ac mae'n cyflogi mwy na 20,000 aelod o staff yn ei weithlu. Mae'r Bwrdd Iechyd darparu gwasanaethau sylfaenol, cymunedol, iechyd meddwl ac ysbytai aciwt ar gyfer poblogaeth Gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl a gwasanaethau ysbytai acíwt ac arbenigol mewn 3 ysbyty acíwt, 22 ysbyty cymunedol a rhwydwaith o ganolfannau iechyd, clinigau, canolfannau timau iechyd yn y gymuned ac unedau iechyd meddwl. Mae hefyd yn cydlynu neu’n darparu gwaith practisau meddygon teulu a gwasanaethau’r GIG a ddarperir gan ddeintyddion, optegwyr a fferyllwyr ar draws y rhanbarth.

Mae'r Bwrdd Iechyd yn system iechyd integredig sy'n ymdrechu i ddarparu gofal tosturiol rhagorol gan gydweithio â'r sector cyhoeddus a sefydliadau statudol eraill, a sefydliadau yn y trydydd sector.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".