Trosolwg o'r swydd

Mae Niwroffisioleg yn wasanaeth BIPBC ar draws Gogledd Cymru sy'n rhan o'r Gwasanaethau Clinigol Diagnostig ac Arbenigol (DSCS). Mae'r Gyfarwyddiaeth yn cynnwys Patholeg, Radioleg, Awdioleg, a Ffiseg Feddygol. Ar hyn o bryd rydym yn cynnig ein gwasanaeth ym mhob un o'r tri safle ysbyty acíwt ac yn Ysbyty Cyffredinol Llandudno ac Ysbyty Cymuned Glannau Dyfrdwy.

Mae'r Adran Niwroffisioleg yn cydweithio ag Adrannau, Ysbytai a sefydliadau academaidd eraill yng Ngogledd Cymru, fel rhan o Ysgol Glinigol Gogledd Cymru. Mae nifer sylweddol o fyfyrwyr meddygol, yn bennaf o Gaerdydd ond o Fangor, Manceinion a Lerpwl hefyd yn gwneud profiad gwaith clinigol yng Ngogledd Cymru yn yr ysbyty ac mewn meddygfeydd. 

Mae'r Bwrdd Iechyd yn cydnabod pwysigrwydd Niwroffisioleg wrth gyflawni safonau cenedlaethol a lleol mewn sawl agwedd ar ofal iechyd, ac mae'n buddsoddi yn ehangu Niwroffisioleg a Niwrowyddorau.

Bydd y bwrdd Iechyd yn ystyried Ymgynghorydd Locwm Cyfnod Penodol. Cysylltwch â Dr Mitra am drafodaeth bellach

Prif ddyletswyddau'r swydd

Ar y cyd â chydweithwyr meddygol, darparu gwasanaeth cynhwysfawr ar gyfer triniaethau dewisol ac argyfwng sy'n cwmpasu ymchwiliadau cymhleth, gan gynnwys ffibr sengl, NCS cymhleth ac EMG syml, ac adrodd ar EEG.

Adrodd ar ganlyniadau EEG fideo symudol a  hwb cartref, potensialau ysgogedig ac astudiaethau dargludiad nerfau caeth syml (gan gynnwys CTS, ULN a Sgrinio Niwropathi Ymylol) a gynhaliwyd gan Ffisiolegwyr Clinigol.

Cyfrifoldeb parhaus am ofalu am gleifion sydd yn ei ofal a gweithrediad priodol y Gwasanaeth.  Bydd hynny'n cynnwys goruchwylio a sgrinio cleifion yn glinigol ar gyfer ymchwiliad arweiniol y ffisiolegydd i niwropathïau llithiad.

Cyfrannu at ac arwain ar bob agwedd ar Niwroffisioleg Glinigol ym maes addysg ac addysgu israddedig ac ôl-raddedig (ffisiolegol a meddygol). 

Cyfrannu a chefnogi rhaglen addysgu israddedig ac ôl-raddedig Deoniaeth Cymru (AaGIC) a BIPBC.

Cydlynu lleoliadau a hyfforddiant i israddedigion a meddygon iau a'u cefnogi. 

Hwyluso, datblygu a chefnogi hyfforddwyr ac athrawon ymgynghorol, gan sicrhau bod fframwaith clir ar gyfer cyflwyno addysg feddygol, a'r cyfle i wella sgiliau clinigol ac addysgu trwy Ddatblygiad Proffesiynol Parhaus.

Mae mentora yn hanfodol ym maes Niwroffisioleg Glinigol. Bydd deilydd y swydd yn cael ei fentora gan uwch gydweithwyr yn ogystal â meithrin amgylchedd o ddysgu a datblygu ymhlith staff iau.

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru, ac mae ganddo gyllideb gwerth mwy nag £2.4 biliwn ac mae'n cyflogi mwy na 20,000 aelod o staff yn ei weithlu. Mae'r Bwrdd Iechyd darparu gwasanaethau sylfaenol, cymunedol, iechyd meddwl ac ysbytai aciwt ar gyfer poblogaeth Gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl a gwasanaethau ysbytai acíwt ac arbenigol mewn 3 ysbyty acíwt, 22 ysbyty cymunedol a rhwydwaith o ganolfannau iechyd, clinigau, canolfannau timau iechyd yn y gymuned ac unedau iechyd meddwl. Mae hefyd yn cydlynu neu’n darparu gwaith practisau meddygon teulu a gwasanaethau’r GIG a ddarperir gan ddeintyddion, optegwyr a fferyllwyr ar draws y rhanbarth.

Mae'r Bwrdd Iechyd yn system iechyd integredig sy'n ymdrechu i ddarparu gofal tosturiol rhagorol gan gydweithio â'r sector cyhoeddus a sefydliadau statudol eraill, a sefydliadau yn y trydydd sector.