Trosolwg o'r swydd

Gwahoddir ceisiadau am Feddyg Apwyntiad am Wasanaeth (LAS) mewn Dermatoleg.  Mae'r cyfle cyffrous hwn wedi codi i gyflenwi dros gyfnod mamolaeth STR o fewn rhaglen hyfforddiant uwch Dermatoleg Gogledd Cymru. Mae'r adran ddermatoleg yng Nglan Clwyd yn darparu gwasanaethau cleifion allanol i gleifion â chanser y croen a chlefydau llidiol y croen.  Yn ogystal, mae'r adran yn darparu clinigau arbenigol mewn profion clytiau, pediatreg ac acne yn ogystal â chefnogi cleifion â chlefydau dermatolegol acíwt.

Prif ddyletswyddau'r swydd

Mae'r swydd yn cynnwys 10 sesiwn. 8 Sesiynau clinigol (tua 6 sesiwn o glinigau/llawdriniaeth groen/rowndiau ward ac atgyfeiriadau ac oddeutu 2 sesiwn o weinyddiaeth uniongyrchol yn ymwneud â chleifion) a 2 sesiwn o Weithgareddau Proffesiynol Ategol. Bydd yr ymgeiswyr llwyddiannus yn rhan o dîm clinigol cydlynol cyfeillgar, brwdfrydig a blaengar sydd hefyd yn darparu hyfforddiant ôl-raddedig ac israddedig helaeth.

Bydd yr ymgeisydd llwyddiannus yn cael ei gefnogi yn ei ddatblygiad proffesiynol a bydd yn cael profiad clinigol ac addysgu rhagorol.

Gweithio i'n sefydliad

Mae Ysbyty Glan Clwyd wedi cael ei adnewyddu'n sylweddol yn ddiweddar ac mae'r Adran Cleifion Allanol Dermatoleg bellach yn cynnig cyfleuster clinigol modern cyfoes.

Mae Glan Clwyd yn rhan o’r Bwrdd iechyd mwyaf yng Nghymru ac, yn sefydliad cwbl integredig sy’n darparu ystod lawn o wasanaethau ysbyty sylfaenol, cymunedol, iechyd meddwl, acíwt a dewisol ar gyfer poblogaeth o bron i 700,000.

Mae gan Ogledd Cymru amrywiaeth eang o weithgareddau ac atyniadau i gyd wedi’u hamgylchynu gan olygfeydd godidog. Mae Caer 30 munud i ffwrdd ac mae dinasoedd Lerpwl a Manceinion o fewn cyrraedd hawdd. Mae yna dai fforddiadwy o safon ac ysgolion preifat a gwladol rhagorol.