Trosolwg o'r swydd

Rydym yn chwilio am unigolyn trefnus a hawdd mynd ato i weithio fel Clerc y Ward yn Uned Gofal Lliniarol Arbenigol Y Bwthyn Newydd.

Ein nod yw darparu safon uchel o ofal yn ein ward ac rydym yn chwilio am rywun sy'n frwdfrydig, yn llawn cymhelliant, sydd â dull cyfeillgar ac ethos gwaith rhagorol.

Mae sgiliau trefnu a chyfathrebu da yn hanfodol yn ogystal ag agwedd hyblyg at waith.

Yn ddelfrydol, bydd gan yr ymgeisydd llwyddiannus brofiad blaenorol yn y swyddfa a derbynfa, yn ddelfrydol o fewn rôl debyg.

Byddai gwybodaeth am systemau TG y Bwrdd Iechyd gan gynnwys WPAS, Oracle a Phorth Clinigol Cymru (WCP) yn ddymunol, er bydd hyfforddiant llawn yn cael ei rhoi. 

Prif ddyletswyddau'r swydd

Bydd deiliad y swydd yn gallu defnyddio amrywiaeth o sgiliau cyfathrebu a rhyngbersonol a sefydlu a chynnal perthnasoedd gwaith effeithiol gyda staff ar bob lefel drwy gydol y BIP.

 Bydd deiliad y swydd yn:

• Cynllunio a blaenoriaethu tasgau a llwyth gwaith o ddydd i ddydd.
• Cyfathrebu â chleifion, cydweithwyr, aelodau'r cyhoedd ac asiantaethau eraill sy'n ymwneud â gofal cleifion a phobl nad ydynt yn gleifion o fewn y BIP neu asiantaethau allanol eraill.
• Derbyn a throsglwyddo gwybodaeth arferol sy'n gofyn am sgiliau tact, perswadiol ac empathig wrth ddelio â chleifion a gofalwyr trallodus yn bersonol neu dros y ffôn.
• Gallu delio gyda sefyllfaoedd o wrthdaro drwy ddefnyddio diplomyddiaeth, tact ac empathi wrth ddelio â chleifion/perthnasau ac aelodau o'r cyhoedd a allai fod yn ofidus neu eu cynhyrfu.
• Ymgymryd â dyletswyddau derbynfa cyffredinol, cyfarfod a chyfarch cleientiaid ac ymwelwyr.
• Byddwch yn anfeirniadol a gyda delwedd broffesiynol bob amser wrth gynrychioli Bwrdd Iechyd y Brifysgol.

Gweithio i'n sefydliad

Mae Bwrdd Iechyd Prifysgol Cwm Taf Morgannwg yn rhan o deulu GIG Cymru. Mae ein Bwrdd Iechyd yn darparu gofal iechyd sylfaenol, eilaidd a chymunedol ynghyd â gwasanaethau lles i tua 450,000 o bobl sy’n byw mewn tair sir: Pen-y-bont ar Ogwr, Merthur Tydful a Rhondda Cynon Taf.

Rydyn ni’n byw yn ôl ein gwerthoedd craidd:

• Rydyn ni’n gwrando, yn dysgu ac yn gwella
• Rydyn ni’n trin pawb â pharch
• Rydyn ni i gyd yn gweithio fel un tîm

Rydyn ni’n gyflogwr lleol balch; mae tua 80% o’n gweithlu o 15,000 yn byw o fewn ein rhanbarth. O ganlyniad, nid enaid y sefydliad yn unig y mae ein staff yn ei gynrychioli, ond y cymunedau amrywiol rydyn ni’n eu gwasanaethu.