Trosolwg o'r swydd

Bydd Pennaeth Llif y Cleifion yn arweinydd clinigol gweladwy, awdurdodol a phroffesiynol gyda chyfrifoldeb am lif y cleifion ac arwain yr holl gynllunio gweithredol a gwneud penderfyniadau o ddydd i ddydd ac yn y dyfodol ar safle'r ysbyty acíwt, gan gysylltu â chydweithwyr aml-broffesiynol ledled Ysbyty Tywysoges Cymru a Bwrdd Iechyd Prifysgol Cwm Taf Morgannwg (BIPCTM).

Swydd tymor penodol/secondiad am 12 mis yw hon i ddiwallu anghenion y gwasanaeth.

Os oes gennych ddiddordeb mewn gwneud cais am y swydd secondiad, rhaid i chi gael cydsyniad eich rheolwr llinell presennol cyn gwneud cais am y swydd hon.

Prif ddyletswyddau'r swydd

Mae gan Bennaeth Llif y Cleifion gyfrifoldeb am y timau rheoli safle/gwelyau a thimau Ysbyty yn y Nos. Bydd hyn yn cynnwys rheoli staff sy'n cynnwys recriwtio, arfarnu, DPP a pherfformiad.

Ynghyd â Rheolwr Cyffredinol yr Ysbyty a Phennaeth Nyrsio, bydd yn meithrin diwylliant sy'n cynnwys yr holl staff yn y gwaith o ddatblygu a chyflawni llif y cleifion ar draws y safle.  

Sgiliau Cymraeg yn Ddymunol: Rydyn ni’n hysbysebu’r swydd hon fel Cymraeg yn Ddymunol. Dydy hyn ddim yn golygu hanfodol; er nad oes angen sgiliau yn y Gymraeg ar yr ymgeisydd, byddwn yn ystyried hynny’n fantais wrth greu rhestr fer a dethol ymgeiswyr. Does dim angen bod yn ‘rhugl’, dim ond sgiliau Siarad a Gwrando ar Lefel 3 (sy'n cyfateb i CEFR B2) neu uwch. Mae Lefel 3 yn golygu sgyrsiau sylfaenol gyda chleifion am eu hiechyd pob dydd. Am ragor o wybodaeth, gweler ‘Canllawiau’r Iaith Gymraeg’ yn y dogfennau ar y gwaelod.

Gweithio i'n sefydliad

Mae Bwrdd Iechyd Prifysgol Cwm Taf Morgannwg yn rhan o deulu GIG Cymru. Mae ein Bwrdd Iechyd yn darparu gofal iechyd sylfaenol, eilaidd a chymunedol ynghyd â gwasanaethau lles i tua 450,000 o bobl sy’n byw mewn tair sir: Pen-y-bont ar Ogwr, Merthur Tydful a Rhondda Cynon Taf.

Rydyn ni’n byw yn ôl ein gwerthoedd craidd:

• Rydyn ni’n gwrando, yn dysgu ac yn gwella
• Rydyn ni’n trin pawb â pharch
• Rydyn ni i gyd yn gweithio fel un tîm

Rydyn ni’n gyflogwr lleol balch; mae tua 80% o’n gweithlu o 15,000 yn byw o fewn ein rhanbarth. O ganlyniad, nid enaid y sefydliad yn unig y mae ein staff yn ei gynrychioli, ond y cymunedau amrywiol rydyn ni’n eu gwasanaethu.