Trosolwg o'r swydd

Bydd yr Ymarferydd Cyswllt mewn Awdioleg yn darparu ymyriadau ag 
anableddau/ patholegau clyw cyffredin / anghymleth. Bydd hyn yn cynnwys 
datblygu cynllun gofal / cynllun rheoli unigol gydag atebolrwydd priodol i’r 
Awdiolegydd. NID yw’r Awdiolegydd Cyswllt yn ymarferydd annibynnol a 
rhagwelir y bydd rhywfaint o oruchwyliaeth glinigol a mentora wedi’i gynllunio yn ystod amserlen arferol y diwrnod gwaith. Gall y rôl gynnwys rhai dyletswyddau gweinyddol yn amodol ar anghenion y gwasanaeth.

Prif ddyletswyddau'r swydd

Darparu a chynorthwyo ag adsefydlu cymhorthion clyw sylfaenol i oedolion a chyflawni cynllun rheoli personol y claf (dan oruchwyliaeth anuniongyrchol).  Bydd disgwyl ichi berfformio archwiliadau awdioleg arferol fel awdiometreg Puretone ar gyfer ailasesu/ adolygu cymhorthion clyw, tympanometreg,  argraffiadau o’r glust a rhaglennu a gwerthuso systemau cymhorthion clyw a fyddai’n cynnwys gwir fesuriadau’r glust dan raglenni mentora. Efallai y bydd gofyn cymryd rhan mewn asesu awdioleg bediatrig a chynorthwyo â hyn, a chynnal sgrinio mewn ysgolion pan fo angen a darparu gwasanaeth cartref ar gyfer cleifion sy’n gaeth i’r tŷ.Cydnabod cyfyngiadau’ch cymhwysedd a’ch lefelau cyfrifoldeb ac annibyniaeth bob amser o fewn cwmpas cymeradwy yr arfer. Cynnal eich cymhwysedd personol eich hun a gweithio fel ymarferydd myfyrgar i gyflawni gofal cleientiaid o ansawdd uchel.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.