Trosolwg o'r swydd

Oes gennych chi brofiad comisiynu, y gallu i addasu ac agwedd ‘eisiau gwneud’?  Ydych chi'n chwilio am yr her nesaf yn eich gyrfa a fydd yn eich galluogi i gyflawni rheolaeth contractau busnes fel arfer yn gyson ar draws nifer o ddarparwyr y GIG wrth helpu datblygu, dylunio a gweithredu gofynion comisiynu strategol?  Yna bydd y swydd hon at eich dant chi!

Mae gan Fwrdd Iechyd Addysgu Powys (BIAP) gyfle unigryw i'r person cywir sydd â phrofiad o gomisiynu gofal iechyd ymuno â thîm comisiynu bach, ymroddedig a rhagweithiol wrth ddarparu comisiynu a rheolaeth gytundebol er budd poblogaeth Powys.  Byddwch yn meithrin perthnasoedd gwaith cryf â chyfarwyddiaethau eraill o fewn BIAP a chyda chynrychiolwyr contractiol a chomisiynu allanol.

Bydd deiliad llwyddiannus y swydd yn chwarae rhan gefnogol allweddol yn y cyfnod trawsnewidiol sefydliadol parhaus o newid wrth ddatblygu a gweithredu sut mae gwasanaethau'n cael eu darparu fel rhan o raglen waith Gwella Gyda'n Gilydd.

Bydd ein hymgeisydd delfrydol yn gallu dangos ei wybodaeth a'i brofiad o gefnogi/rheoli contractau gofal iechyd, deall rôl ehangach y comisiynydd o fewn gofal iechyd, y gallu i gyflawni yn erbyn amserlenni tynn a chystadleuol a bod â pharodrwydd i ddysgu, i gwestiynu a dod yn aelod annatod o'r tîm comisiynu.

Prif ddyletswyddau'r swydd

Mae cyfrifoldebau allweddol y rôl yn cynnwys:

• Arwain ar ddatblygu, monitro a pherfformiad contractau gan weithredu fel y prif bwynt cyswllt ar gyfer portffolio penodol o gontractau (Cytundebau Hirdymor).
• Gweithredu'r cynllunio a'r Fframwaith Ansawdd a Pherfformiad Integredig (IQPF) o fewn contractau darparwyr a gomisiynwyd gan Fwrdd Iechyd Addysgu Powys (BIAP).
• Cefnogi rheoli perfformiad integredig trwy weithredu'r IQPF o safbwynt comisiynu ehangach ac yn uniongyrchol trwy gontractau darparwyr a gomisiynwyd gan BIAP.
• Darparu goruchwyliaeth a her uniongyrchol gyda darparwyr a gomisiynwyd lle mae perfformiad yn dirywio, yn benodol mewn perthynas â rhestrau aros a gweithgaredd atgyfeirio a bod yn gyfrifol am uwchgyfeirio o fewn BIAP yn unol ag IQPF.
• Darparu goruchwyliaeth o Gytundebau Lefel Gwasanaeth sy'n eistedd o fewn y portffolio dynodedig o gontractau darparwyr a gomisiynwyd gan weithio gyda chydweithwyr BIAP i gefnogi uwchgyfeirio a datblygiad yn ôl yr angen.
• Darparu cyngor a chymorth comisiynu arbenigol yn unol â Fframwaith Comisiynu Strategol BIAP gan gynnwys:
  o Blaenoriaethau Strategol
  o Asesiad o anghenion
  o Rhaglenni gwaith trawsnewidiol
• Arweinyddiaeth a chefnogaeth darparwyr i'r tîm comisiynu ehangach a Chytundebau Hirdymor a Lefel Gwasanaeth y Gyfarwyddiaeth Cynllunio, Perfformiad a Chomisiynu

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.