Trosolwg o'r swydd

Rydym yn chwilio am nyrs ddeinamig a phrofiadol sydd â brwdfrydedd dros ddarparu gofal endosgopi o ansawdd uchel. Mae Bwrdd Iechyd Addysgu Powys yn chwilio am Gydlynydd Endosgopi medrus a brwdfrydig i arwain a rheoli ein gwasanaethau endosgopi ar draws safleoedd BIAP. Mae hon yn rôl arweinyddiaeth Band 7 a fydd yn cael ei rhannu.

Prif ddyletswyddau'r swydd

• Arwain rheolaeth ddyddiol yr uned endosgopi, gan sicrhau safonau uchel o ofal cleifion.
• Darparu arweinyddiaeth a chefnogaeth glinigol arbenigol i staff nyrsio a chymorth.
• Goruchwylio amserlennu sifftiau, hyfforddi, recriwtio a rheoli perfformiad.
• Sicrhau cydymffurfiaeth â pholisïau'r Bwrdd Iechyd, llywodraethu clinigol, a chanllawiau cenedlaethol.
• Cysylltu â rhanddeiliaid i ddiwallu'r galw am wasanaethau a thargedau amseroedd aros Llywodraeth Cymru.
• Hyrwyddo diwylliant o welliant parhaus, diogelwch a gofal sy'n canolbwyntio ar y claf.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.