Trosolwg o'r swydd

Bydd deiliad y swydd yn rhan annatod o’r tîm Llywodraethu Corfforaethol ac yn cefnogi’r sefydliad wrth ymgymryd â gweithgareddau sicrwydd a risg, a bydd yn cefnogi datblygu a gweithredu prosesau a systemau llywodraethu cadarn. Bydd deiliad y swydd yn datblygu perthnasoedd dylanwadol cryf i wella integreiddio rhwng llywodraethu a chyflawni trwy gyd-ddealltwriaeth o flaenoriaethau busnes timau cyflenwi gwasanaeth gweithredol yn y Bwrdd Iechyd, er mwyn ychwanegu gwerth busnes, ystwythder ac ymatebolrwydd.

Bydd deiliad y swydd yn cefnogi ac yn cydweithio â’i gyfarwyddiaethau corfforaethol i ddatblygu ac ymgorffori diwylliant ac ymwybyddiaeth risg yn y Bwrdd Iechyd a gyrru’r broses o gyflwyno agenda Sicrwydd a Risg i gefnogi cyflawni amcanion sefydliadol, cyflenwi gwasanaethau diogel ac effeithiol a chydymffurfio â deddfwriaeth a safonau.

Bydd deiliad y swydd yn dangos esiampl dda a bydd ganddo wybodaeth eang a dealltwriaeth dechnegol o Reoli Risg a Sicrwydd. Bydd ganddo sgiliau cyfathrebu a threfnu gwych a’r gallu i weithio ar ei liwt ei hun.

Bydd deiliad y swydd wedi'i leoli yn ein pencadlys ym Mronllys, ond hefyd â’r hyblygrwydd i weithio gartref/lleoliad arall. 

Prif ddyletswyddau'r swydd

Prif ddyletswyddau’r swydd 

Mae'r prif ddyletswyddau isod wedi'u crynhoi o'r disgrifiad swydd, darllenwch ddisgrifiad y swydd hefyd am fanylion llawn.  

Cyfrannu at ddylunio, datblygu a gweithredu Fframwaith Sicrwydd Bwrdd Iechyd integredig a Fframwaith Rheoli Risg integredig.

Cyfrannu at ddatblygu'r Fframwaith Rheoli Risg ar gyfer y Bwrdd Iechyd sy'n galluogi'r broses Rheoli Risg i gael ei gweithredu'n llawn.

Hwyluso diwylliant sy’n ymwybodol o risg o fewn y cyfarwyddiaethau ac is-dimau, a rhoi cyngor a chefnogaeth arbenigol wrth adnabod ac asesu risg, i gefnogi’r sefydliad i gyflawni ei amcanion, cyflenwi gwasanaethau diogel ac effeithiol a chydymffurfio â deddfwriaeth/safonau.

Datblygu dull o weithio mewn partneriaeth effeithiol gyda chydweithwyr o gyfarwyddiaethau corfforaethol i gefnogi gweithgareddau Rheoli Risg a Sicrwydd, a 

sicrhau eu bod yn cael eu defnyddio i lywio mentrau gwella gwasanaethau a’u gweithredu.

Y gallu i sefydlu a chynnal perthnasoedd gwaith effeithiol gydag amrywiaeth o gydweithwyr.

Gweithio ar y cyd â chyfarwyddiaethau a thimau i olrhain gweithredu argymhellion yr holl archwilwyr a rheoleiddwyr yn gywir, cyflwyno gofynion Cylchlythyr Iechyd Cymru. Rhoi sicrwydd i'r Bwrdd, drwy'r Pwyllgor Archwilio a Sicrwydd Risg, o gydymffurfiaeth y Bwrdd Iechyd â deddfwriaeth, gan sicrhau bod meysydd sy'n peri pryder yn cyd-fynd â'r broses Rheoli Risg.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.