Trosolwg o'r swydd

Cynorthwyo gyda phrosesu gwybodaeth ariannol fisol, cysoni'r Prif Gyfriflyfr â systemau mewnbynnu, ac ymchwilio i ymholiadau ariannol gan reolwyr gwasanaeth.

Darparu gwasanaeth cymorth clerigol a gweinyddol cynhwysfawr.

Gweithio ar eich menter eich hun a bod yn gyfrifol am drefnu cyfarfodydd ar gyfer staff o fewn yr adran a pharatoi papurau yn ôl yr angen, gan gydweithio â staff eraill y Bwrdd Iechyd a sefydliadau allanol.

Gallu cyfathrebu, dangos sgiliau cyfathrebu rhagorol, a meddu ar y gallu i ymdrin â gwybodaeth sensitif a chyfrinachol.

Prif ddyletswyddau'r swydd

Mae swydd wag wedi codi ar gyfer Cynorthwyydd Cyfrifeg Reoli yn yr Adran Cyllid yn Ysbyty Bronllys.

Bydd y swydd hon yn cefnogi'r tîm Cyfrifon Rheoli. Prif elfennau'r swydd yw cefnogi'r gwaith o gynhyrchu gwybodaeth ariannol fisol gywir, cwblhau a mewnbynnu cofnodion cyfrifyddu (journals), a chynhyrchu gwaith cysoni ariannol.

Ystyriir ceisiadau ar gyfer gwaith rhan-amser gan ymgeiswyr sy'n bodloni'r meini prawf (o leiaf 20 awr).

Croesewir ceisiadau gan siaradwyr Cymraeg yn arbennig; ond hyd yn oed os nad ydych yn siarad Cymraeg, neu os hoffech ddatblygu eich sgiliau, peidiwch â phoeni: bydd y bwrdd iechyd yn eich cefnogi drwy ddarparu hyfforddiant.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.