Trosolwg o'r swydd

Rydyn ni’n edrych am Ymarferwyr Theatr/ Ymarferydd yr Adran Lawdriniaethau llawn cymhelliant i ymuno â’n Hunedau Llawdriniaethau Dydd ac Endosgopi yn Ysbyty Aberhonddu a Llandrindod. Mae’r rôl yn galw am gefnogi ein hymgynghorwyr a’n hanesthetyddion ym meysydd arbenigol anestheteg, sgwrio ac adfer. Efallai y byddwch chi hefyd yn derbyn ac yn rhyddhau cleifion a bydd sail yr ymgeiswyr llwyddiannus yn Ysbyty Coffa Rhyfel Sir Frycheiniog.

Mae sgiliau cyfathrebu rhagorol yn ofynnol i weithio yn yr adran, i sicrhau perthnasoedd gweithio effeithiol fel ein bod yn gallu darparu gofal cleifion o safon uchel i gleifion Powys yn lleol. Mae’r uned hefyd yn cefnogi hyfforddiant, fel y cymhwyster Cynorthwyydd Cyntaf a gellir ystyried cyfleoedd hyfforddi eraill.

Prif ddyletswyddau'r swydd

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.