Trosolwg o'r swydd

Mae Cyfarwyddwr Cynorthwyol Cyllid - Partneru Busnes a Thrawsnewid yn uwch weithiwr proffesiynol Cyllid o fewn Bwrdd Iechyd Addysgu Powys.

Gan adrodd yn uniongyrchol i'r Dirprwy Gyfarwyddwr fel rhan o dîm o dri Chyfarwyddwr Cynorthwyol, bydd deiliad y swydd yn gwneud cyfraniad sylweddol at weledigaeth ac arweinyddiaeth datblygu a gweithredu agenda gyllid gyffredinol y Bwrdd Iechyd.

Mae gan y swydd ffocws penodol ar arwain ein timau partneru busnes cyllid a chefnogi agenda trawsnewid y Bwrdd Iechyd.

Prif ddyletswyddau'r swydd

Darparu arweinyddiaeth, rheolaeth strategol a phroffesiynol ynghyd â chyfrifoldeb gweithredol am ddarparu gwasanaethau a chyngor ariannol Partneriaid Busnes

Darparu cyngor a chefnogaeth arloesol a rhagweithiol i'r sefydliad ar strategaethau a dulliau gwasanaeth ac ariannol. 

Arwain ar feysydd gwaith penodol ar draws y BI yn unol â strategaeth ariannol y BI, yn enwedig trawsnewid gwasanaethau.  Mae portffolio o raglenni sy'n nodi ffurfweddiad a dyluniad gwasanaethau yn y dyfodol. 

Adrodd i'r Dirprwy Gyfarwyddwr Cyllid a gweithio gyda'r Cyfarwyddwyr Gweithredol, Aelodau Annibynnol ac uwch reolwyr eraill. 
  Bydd y rôl hon yn gweithio'n agos gyda'r Cyfarwyddwr Trawsnewid.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.