Trosolwg o'r swydd

Mae cyfle unigryw a chyffrous wedi codi i unigolyn eithriadol gael ei benodi yn Arweinydd Cenedlaethol dros Gyflenwi Ymchwil Fasnachol yng Nghymru.

Swydd cyfnod penodol / secondiad am 18 mis hyd at 31 Awst 2027.  

Bydd yr uwch rôl arweinyddiaeth hon yn gweithio ar lefel genedlaethol, gan arwain ar raglenni gwaith yn benodol, ond nid yn unig, yn ymwneud â chyflenwi ymchwil fasnachol, ar gyfer Canolfan Cymorth a Chyflenwi Ymchwil Iechyd a Gofal Cymru.

Bydd angen bod gan ddeiliad y swydd sgiliau cyfathrebu rhagorol, bod ag ymagwedd gadarnhaol a hyblyg tuag at anghenion y Gwasanaeth, y gallu i gael ei ysgogi, yn barod ar gyfer yr her nesaf ac yn mwynhau gweithio fel rhan o dîm prysur iawn.

Gall y swydd gau'n gynnar os derbynnir ceisiadau digonol.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Prif ddyletswyddau'r swydd

·       Yn gyfrifol am arweinyddiaeth strategol, rheoli a datblygu'r tîm cyflenwi ymchwil cenedlaethol a'r gwasanaethau.

·       Darparu arweinyddiaeth arbenigol a chefnogaeth wrth ddatblygu partneriaethau busnes strategol yn y diwydiant.     Arwain ar weithredu modelau o gymorth a chyllid ymchwil

·       Arwain ar ddatblygu a gweithredu strategaethau buddsoddi cadarn, strategaethau rheoli perfformiad a systemau ar gyfer sicrhau ansawdd

·       Gweithio'n agos gyda rhanddeiliaid i ddarparu cyngor a chefnogaeth arbenigol i Fwrdd Cyflenwi Ymchwil Fasnachol Cymru ym mhob mater a phenderfyniad sy'n ymwneud â chyflwyno ymchwil fasnachol.

Gweithio i'n sefydliad

Mae hon yn swydd Ymchwil Iechyd a Gofal Cymru, a gynhelir gan Fwrdd Iechyd Addysgu Powys.

Mae Ymchwil Iechyd a Gofal Cymru yn sefydliad rhwydweithiol, gyda chefnogaeth Llywodraeth Cymru, sy'n dwyn ynghyd ystod eang o bartneriaid ar draws y GIG yng Nghymru, awdurdodau lleol, prifysgolion, sefydliadau ymchwil, y trydydd sector ac eraill.

Mae Ymchwil Iechyd a Gofal Cymru yn gweithio i gefnogi nod cyffredinol Llywodraeth Cymru sef sicrhau bod ymchwil heddiw yn gwneud gwahaniaeth i ofal yfory.  

 Ei genhadaeth yw hyrwyddo, cefnogi a darparu goruchwyliaeth ar y cyd o ymchwil iechyd a gofal cymdeithasol yng Nghymru.  Mae’n sicrhau ei fod o'r ansawdd gwyddonol rhyngwladol uchaf, yn berthnasol i anghenion a heriau iechyd a gofal cymdeithasol yng Nghymru ac yn gwneud gwahaniaeth i bolisi ac ymarfer mewn ffyrdd sy'n gwella bywydau cleifion, pobl a chymunedau yng Nghymru.