Trosolwg o'r swydd

Mae cyfle unigryw a chyffrous wedi codi i unigolyn eithriadol gael ei benodi fel Rheolwr Ymchwil.

Bydd y rôl hon yn addas i unigolyn hunan-gymhellol sydd â sgiliau dadansoddol, cyfathrebu a datrys problemau cryf, y gallu i feddwl yn ochrol a gweithio heb fawr o oruchwyliaeth o ddydd i ddydd.

Bydd angen bod gan ddeiliad y swydd sgiliau cyfathrebu rhagorol, meddu ar ymagwedd gadarnhaol a hyblyg tuag at anghenion y Gwasanaeth, y gallu i gael ei ysgogi, yn barod ar gyfer yr her nesaf ac yn mwynhau gweithio fel rhan o dîm prysur iawn.

Prif ddyletswyddau'r swydd

Bydd deiliad y swydd yn gwneud y canlynol:

·       darparu cymorth rheoli gweithredol ar gyfer rhaglenni gwaith cenedlaethol.

·       datblygu perthnasoedd gwaith cryf gyda chydweithwyr iechyd a gofal cymdeithasol ar draws y byd academaidd, Llywodraeth Cymru a lleoliadau clinigol.

·       gweithio gyda swyddfeydd Ymchwil a Datblygu'r GIG a'r Staff Cyflenwi i ddatblygu strategaethau a mentrau ymgysylltu lleol a fydd yn cyd-fynd ag arferion cyfredol i gymell gweithwyr iechyd a gofal cymdeithasol proffesiynol i gymryd rhan mewn ymchwil.

·       bod yn gyfrifol am nodi mentrau, capasiti ac adnoddau ar draws iechyd a gofal cymdeithasol yng Nghymru a all gefnogi ymchwil, gan sicrhau bod y Ganolfan Cefnogi a Chyflenwi yn cydlynu'r ddarpariaeth o wasanaethau a mentrau ategol i gynyddu ymchwil iechyd a gofal cymdeithasol.

Gweithio i'n sefydliad

Mae hon yn swydd Ymchwil Iechyd a Gofal Cymru, a gynhelir gan Fwrdd Iechyd Addysgu Powys.

Mae Ymchwil Iechyd a Gofal Cymru yn sefydliad rhwydweithiol, gyda chefnogaeth Llywodraeth Cymru, sy'n dwyn ynghyd ystod eang o bartneriaid ar draws y GIG yng Nghymru, awdurdodau lleol, prifysgolion, sefydliadau ymchwil, y trydydd sector ac eraill.

Mae Ymchwil Iechyd a Gofal Cymru yn gweithio i gefnogi nod cyffredinol Llywodraeth Cymru sef sicrhau bod ymchwil heddiw yn gwneud gwahaniaeth i ofal yfory.   

Ei genhadaeth yw hyrwyddo, cefnogi a darparu goruchwyliaeth ar y cyd o ymchwil iechyd a gofal cymdeithasol yng Nghymru. Mae’n sicrhau ei fod o'r ansawdd gwyddonol rhyngwladol uchaf, yn berthnasol i anghenion a heriau iechyd a gofal cymdeithasol yng Nghymru ac yn gwneud gwahaniaeth i bolisi ac ymarfer mewn ffyrdd sy'n gwella bywydau cleifion, pobl a chymunedau yng Nghymru.