Trosolwg o'r swydd

Mae cyfle unigryw a chyffrous wedi codi i unigolyn eithriadol gael ei benodi’n Rheolwr Hyfforddiant Band 7.

Swydd secondiad ran-amser tymor penodol tan 31 Mawrth 2026 yw hon oherwydd gofynion y gwasanaeth.

Bydd y Rheolwr Hyfforddiant yn arwain y gwaith o ddatblygu a chydlynu rhaglen hyfforddi llywodraethu ymchwil genedlaethol ar gyfer staff ymchwil ar draws GIG Cymru a seilwaith Ymchwil Iechyd a Gofal Cymru. Bydd deiliad y swydd yn cydweithio â chymheiriaid yn y DU i sicrhau safonau hyfforddi o ansawdd uchel yn gyson. Bydd hefyd yn cyfrannu at ddatblygiad parhaus y rhaglen hyfforddi Arfer Clinigol Da ledled y DU.

Bydd angen bod gan ddeiliad y swydd sgiliau cyfathrebu rhagorol ac ymagwedd hyblyg a chadarnhaol tuag at anghenion y Gwasanaeth. Bydd angen  iddo/iddi fod yn llawn cymhelliant, yn barod ar gyfer yr her nesaf ac yn mwynhau gweithio fel rhan o dîm prysur iawn.

Efallai y bydd y swydd yn cau’n gynnar os derbynnir digon o geisiadau.

OS OES DIDDORDEB GYDA CHI MEWN CEISIO AM Y SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Prif ddyletswyddau'r swydd

·       Arwain ar ddatblygu a chyflwyno rhaglen genedlaethol Arfer Clinigol Da a hyfforddiant llywodraethu ymchwil cysylltiedig. Bydd hyn yn seiliedig ar argymhellion a blaenoriaethau a nodwyd drwy ddadansoddiad o anghenion hyfforddiant a gynhaliwyd ar draws seilwaith YI a GC 

·       Cyfrannu at adolygu a datblygu deunydd hyfforddi Arfer Clinigol Da NIHR yn barhaus, gan gynnwys darparu gwybodaeth sy’n cael ei chasglu yng Nghymru

·       Asesu cyrsiau ac adnoddau NIHR mewn perthynas â’r rhaglen Arfer Clinigol Da yng Nghymru, gan addasu cynnwys y cwrs i weithwyr ymchwil proffesiynol yng Nghymru yn ôl yr angen

·       Adolygu’r ddarpariaeth o hyfforddiant Arfer Clinigol Da yn barhaus a sicrhau ei fod yn ddigon cynhwysfawr i ddiwallu anghenion pob disgyblaeth sy’n ymwneud ag ymchwil, gan gynnwys pediatrig, fferylliaeth, gofal sylfaenol ac Arfer Clinigol Da labordy, yn ogystal â gweithwyr proffesiynol y GIG sy’n gofalu am oedolion nad yw’r galluedd ganddynt i gydsynio i ymchwil

·       Cydlynu, hyfforddi a chynnal rhwydwaith o Hwyluswyr Arfer Clinigol Da medrus a phrofiadol yng Nghymru, gan ddarparu cymorth proffesiynol a mentora, mewn cydweithrediad â’r Uwch Reolwr Hyfforddi a Datblygu i sicrhau bod hyfforddiant yn cael ei ddarparu’n lleol gan hwyluswyr lleol

• Rheoli a datblygu prosesau cydweithredol parhaus gyda rhanddeiliaid allweddol i sicrhau bod hyfforddiant Arfer Clinigol Da yn cael ei adolygu a’i werthuso’n rheolaidd i nodi anghenion a blaenoriaethau parhaus

Gweithio i'n sefydliad

Swydd Ymchwil Iechyd a Gofal Cymru yw hon, wedi’i chynnal gan Fwrdd Iechyd Addysgu Powys

Mae Ymchwil Iechyd a Gofal Cymru yn sefydliad rhwydweithiol, wedi’i gefnogi gan Lywodraeth Cymru, sy’n dwyn ynghyd ystod eang o bartneriaid ar draws y GIG yng Nghymru, awdurdodau lleol, prifysgolion, sefydliadau ymchwil, y trydydd sector ac eraill. Mae Ymchwil Iechyd a Gofal Cymru yn gweithio i gefnogi nod cyffredinol Llywodraeth Cymru o sicrhau bod ymchwil heddiw yn gwneud gwahaniaeth i ofal yfory.  

Ei genhadaeth yw hyrwyddo, cefnogi a darparu goruchwyliaeth ar y cyd o ymchwil iechyd a gofal cymdeithasol yng Nghymru. 

Mae’n sicrhau ei fod o’r ansawdd gwyddonol rhyngwladol uchaf, yn berthnasol i anghenion a heriau iechyd a gofal cymdeithasol yng Nghymru ac yn gwneud gwahaniaeth i bolisi ac ymarfer mewn ffyrdd sy’n gwella bywydau cleifion, pobl a chymunedau yng Nghymru.