Trosolwg o'r swydd

Mae cyfle cyffrous wedi codi i Nyrs Ddeintyddol frwdfrydig a thosturiol ymuno â'r tîm gofal cartref o fewn y Gwasanaeth Deintyddol Cymunedol. Mae'r swydd amser llawn Band 4 hon yn cynnig y cyfle i gefnogi'r ddarpariaeth o ofal deintyddol i ystod eang o gleifion ledled Powys, gan gynnwys y rhai a allai wynebu rhwystrau wrth gael mynediad at wasanaethau traddodiadol mewn clinigau.

Gan weithio fel rhan o dîm deintyddol ymroddedig a chefnogol, bydd deiliad y swydd yn darparu cefnogaeth ac yn cyfrannu at ddarparu gofal yn ddiogel ac yn effeithiol. Mae hon yn rôl amrywiol a gwerth chweil a fydd yn addas i rywun sy'n mwynhau gweithio'n hyblyg, meithrin perthnasoedd cadarnhaol, a gwneud gwahaniaeth gwirioneddol i gleifion a chymunedau ledled Powys.

Bydd yr ymgeisydd llwyddiannus yn gweithio’n bennaf o glinig yn Llandrindod, a bydd disgwyl iddo weithio'n hyblyg ar draws gwahanol leoliadau lle darperir triniaeth ddeintyddol. 

Bydd deiliad y swydd yn datblygu perthnasoedd gwaith cryf gyda chydweithwyr ar draws y tîm deintyddol, yn ogystal â chleifion, rhieni, gwarcheidwaid, darparwyr addysg, canolfannau dydd, gwasanaethau cymdeithasol, gwasanaethau deintyddol eraill, Ymarferwyr Deintyddol Cyffredinol, ysbytai, ymarferwyr meddygol, gofalwyr, cartrefi gofal, cartrefi nyrsio a chyflenwyr deunyddiau deintyddol.

Prif ddyletswyddau'r swydd

Bydd disgwyl i’r ymgeisydd llwyddiannus weithio fel rhan o’r tîm Deintyddol, yn paratoi a monitro cleifion ar gyfer, ac yn ystod eu triniaeth, gan ddarparu cyfarwyddiadau cyn ac ar ôl y llawdriniaeth.

Disgwylir i ddeiliad y swydd fod yn gyfrifol am greu a chynnal amgylchedd er mwyn darparu ansawdd uchel o ofal i gleifion. 

Fel rhan o’r rôl wobrwyol hon, bydd gofyn am weithio'n annibynnol wrth ragweld offerynnau sy'n ofynnol yn ystod triniaethau a gyflawnir gan y clinigydd, cymysgu deunyddiau, a dal offerynnau yn eu lle.

Byddem yn croesawu ceisiadau gan siaradwyr Cymraeg yn arbennig; ond hyd yn oed os nad ydych chi'n siarad unrhyw Gymraeg, neu os ydych chi eisiau datblygu eich sgiliau, peidiwch â phoeni: bydd y bwrdd iechyd yn eich cefnogi gyda hyfforddiant.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.