Trosolwg o'r swydd

Mae yna gyfle cyffrous newydd i Nyrs Ddeintyddol gofrestredig ymuno â’r tîm gwasanaeth deintyddol cymunedol, sy’n canolbwyntio’n bennaf ar ansawdd y gofal.  Mae’r tîm yn cynnwys pobl brofiadol sy’n Ddeintyddion, Nyrsys Deintyddol, Therapyddion Deintyddol a staff gweinyddol, lle anogir cymysgu sgiliau.  Bydd angen ichi fod yn frwdfrydig a llawn cymhelliant, a meddu ar sgiliau cyfathrebu rhagorol.  Bydd prif ddeintyddfa deiliad y swydd ym Drenewydd, 15 awr yr wythnos, a bydd disgwyl iddo/iddi deithio i leoliadau clinigau eraill o leiaf unwaith yr wythnos. 

Mae'r Gwasanaeth Deintyddol Cymunedol yn cynnwys ystod eang o leoliadau, arbenigeddau a gwasanaethau, gan gynnwys gofal deintyddol sylfaenol, gofal eilaidd dan arweiniad ymgynghorwyr, anghenion arbennig a chleifion grwpiau blaenoriaeth yn y clinig a lleoliad y cartref.  Mae hyn yn cynnwys Ysgolion, cartrefi nyrsio a phreswylio, arolygon epidemiolegol, a hybu/addysgu iechyd y geg.

Anogir a chefnogir hyfforddiant, datblygiad a chymysgu sgiliau'r gweithlu deintyddol.

Prif ddyletswyddau'r swydd

Bydd y Nyrs Ddeintyddol yn gweithio fel rhan o’r tîm, yn cynorthwyo clinigwyr yn y Gwasanaeth Deintyddol, yn ogystal â threfnu a chefnogi’r clinigydd ag unrhyw ymweliadau â’r cartref, sgrinio, epidemioleg a rhaglenni ymchwil. Bydd disgwyl iddo/ iddi weithio’n annibynnol, gan geisio cyngor lle bo angen. Bydd disgwyl i ddeiliad y swydd wneud yr holl ddyletswyddau clercaidd a gweinyddol cysylltiedig i sicrhau bod y clinig/ yr adran yn gweithredu’n effeithlon.

Byddem yn croesawu ceisiadau gan siaradwyr Cymraeg yn arbennig; ond hyd yn oed os nad ydych chi'n siarad unrhyw Gymraeg, neu os ydych chi eisiau datblygu eich sgiliau, peidiwch â phoeni: bydd y bwrdd iechyd yn eich cefnogi gyda hyfforddiant.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.