Trosolwg o'r swydd

Bydd deiliad y swydd yn gweithio fel rhan o dîm o staff nyrsio yn y ward a bydd gofyn iddo gyflawni ystod o dasgau penodedig sy'n cynnwys gofal uniongyrchol ac anuniongyrchol er budd y claf, a bydd yn cefnogi ac yn cael ei oruchwylio gan Nyrs Gofrestredig.

Gweithio o fewn fframwaith cymhwysedd craidd a disgwylir i ddeiliad y swydd gyflawni ystod o ddyletswyddau nyrsio sylfaenol i gleifion sydd wedi'u cysylltu'n glir â gofynion hyfforddiant gofynnol sy'n darparu cymhwysedd i ymarfer.

Bydd yn ofynnol i ddeiliad y swydd gyflawni ystod o dasgau penodedig, gan fod yn rhan o gyflawni dyletswyddau nyrsio sylfaenol o dan oruchwyliaeth nyrs gofrestredig.

Prif ddyletswyddau'r swydd

Gweithio fel rhan o dîm ward sy'n cynorthwyo i ddarparu gofal nyrsio o safon uchel, gan weithredu mewn dull proffesiynol bob amser.

Cynorthwyo i faethu a hydradu cleifion yn ddigonol yn unol â chyfarwyddyd y Nyrs Gofrestredig. Cymryd rhan mewn monitro bwyd a chwblhau dogfennaeth yn gywir.

Cynorthwyo i sicrhau bod ardal y ward yn cael ei chadw'n lân ac yn daclus, e.e. cymryd rhan yn gyffredinol mewn cynnal a chadw, cadw at ganllawiau wrth waredu llieiniau budr yn unol â Pholisïau’r Bwrdd Iechyd.

Cyfathrebu'n ddyddiol â chleifion a pherthnasau, staff y ward ac ymwelwyr â’r ward, gan sicrhau bod hyn yn cael ei wneud mewn ffordd gwrtais.

Cyfathrebu'n effeithiol â chleifion, trafod gofal gan ddefnyddio doethineb a sgiliau perswadiol, a goresgyn unrhyw rwystrau i ddeall, e.e. cleifion dall neu fyddar a chleifion ag anawsterau llefaru.

Defnyddio sgiliau cyfathrebu effeithiol yn y ward / adran a gyda phob aelod o'r tîm, cleifion, perthnasau a phersonél o adrannau eraill.

Bydd disgwyl i chi fynychu a chymryd rhan mewn cyfarfodydd ward.
Cyflawni dyletswyddau nyrsio sylfaenol dan oruchwyliaeth Nyrs Gofrestredig, yn dilyn cyfnod o hyfforddiant ac ar ôl cwblhau cymwyseddau craidd.

Ymgymryd â gofal yn unol â'r safonau gofal a nodir yn yr Hanfodion Gofal.
Cynorthwyo i symud a throsglwyddo cleifion, gan ddefnyddio cymhorthion codi a chario fel y bo'n briodol i sicrhau bod staff a chleifion y mwyaf diogel posibl, yn unol â chynllun gofal unigol y claf.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.