Swydd-ddisgrifiad a phrif gyfrifoldebau manwl

 Bydd disgwyl i ddeiliad y swydd ymdrin ag ystod o ddyletswyddau, gan gynnwys: 

Gweithredu fel cynghorydd trwy ddefnyddio gwybodaeth glinigol i ddylanwadu ar y penderfyniadau yn ymwneud â gofal claf.

Cefnogi mentrau lleol i gael gwared ar rwystrau rhyngasiantaethol a chynnal cysylltiadau proffesiynol rhagorol gyda darparwyr iechyd a gofal cymdeithasol i hyrwyddo cyfathrebiad effeithlon ac arferion cydweithio.

I weithio o fewn a chynnal y cod ymddygiad Proffesiynol; safonau a chanllawiau ar bob adeg, gan sicrhau bod pryderon yn cael eu codi’n briodol.

I weithredu fel model rôl, yn meithrin ymagwedd broffesiynol a sicrhau bod safonau proffesiynoldeb yn cael eu gosod a’u bodloni o fewn y tîm

Cymryd camau priodol i sicrhau bod unrhyw risgiau clinigol yn cael eu nodi a'u lleihau.

I gynrychioli’r tîm ar weithgorau a phwyllgorau.

Bod yn gyfrifol ac yn atebol ar gyfer llwyth gwaith penodol, gan weithio gyda’r claf a’r Tîm Amlddisgyblaethol i leihau eu cyfnod aros a chydlynu gofal ar hyd holl leoliadau’r llwybr gofal i hwyluso rhyddhad

I gefnogi Arweinydd y Tîm wrth ddefnyddio adnoddau’n effeithlon o fewn y cyllid a daranwyd, gan gynnwys cadarnhau gwariant

Cymryd rhan yn y gwaith o recriwtio staff a chynllunio ar gyfer olyniaeth. 

Bod yn hyblyg o ran patrymau gwaith, gan ddarparu cymorth i ardaloedd cyfagos fel sy'n ofynnol i gefnogi cydweithwyr a chynnal safonau gofal cleifion.

Sicrhau bod cysylltiadau cyfathrebu yn cael eu cynnal gyda’r perthnasoedd gweithio 
allweddol i arddangos cwrteisi, tosturi a sensitifrwydd, gan hyrwyddo delwedd gadarnhaol o'r Bwrdd Iechyd.

Cynnig gwybodaeth, cymorth a hyfforddiant arbenigol ar ystod eang o gyflyrau gofal, opsiynau triniaeth a chanlyniadau, gan gadw mewn cof y gallai hyn fod yn annymunol, yn ofidus ac mewn rhai achosion, yn newid bywyd  cleifion, a gofalwyr. Cefnogi cleifion er mwyn sicrhau eu bod yn gwneud dewisiadau gwybodus. 

Gweithredu fel eiriolwr dros gleifion wrth drafod gyda chydweithwyr ym maes iechyd a gofal cymdeithasol, o ran y lleoliad mwyaf priodol ar gyfer darparu gofal, cael gafael ar wasanaethau fel y bo'n briodol a rhoi ystyriaeth i ddewisiadau eraill eraill ar daith y claf.

Sicrhau bod systemau electronig ac ar bapur yn cael eu defnyddio’n addas i wella gofal cleifion. 

Cyfrifoldeb i gynnal y gwaith ar gam cyntaf archwiliadau cwynion, pryderon, digwyddiadau o fewn meysydd cyfrifoldeb, gan sicrhau bod adroddiad clir ar y canlyniadau a chynlluniau gweithredu yn cael eu datblygu a’u gweithredu. Trafod cwynion a phryderon gyda chleifion, teuluoedd ac eraill er mwyn darganfod datrysiad yn lleol.

Sefydlu llwybr cyfathrebu effeithiol i sicrhau bod yr holl weithwyr proffesiynol yn ymwybodol o'u rolau yn y cynllun gofal, mae hyn yn cynnwys y claf a gofalwyr.

Gweithredu gwelliannau i wasanaethau cleifion wrth ystyried canlyniadau’r broses monitro, archwiliad, adborth gan gleifion, arolygon cleifion, cwynion ac adroddiadau Cyngor Iechyd Cymuned, o fewn y terfyn amser y cytunwyd arno.

Datblygu'r wybodaeth a’r sgiliau ar gyfer systemau sy’n diogelu'r cyhoedd, gan gynnwys meysydd Amddiffyn Oedolion Agored i Niwed, Trais Domestig, cysylltiadau gyda Diogelu Plant, Amddifadu o Ryddid a’r Ddeddf Galluedd Meddyliol. Cefnogi’r gwaith o ymchwilio i bryderon dan y polisïau penodol hyn, gan godi unrhyw bryderon gyda'r Arweinydd Tîm.

Dynodi elfennau o’r llwyth achosion i aelodau o’r Tîm Adnoddau Cymunedol, gan ystyried eu cymwyseddau a’u sgiliau.

Cefnogi'r broses o drosglwyddo gofal cleifion yn effeithiol i'r llwyth achosion a sicrhau bod gwaith asesu, cyfathrebu a chyswllt priodol i hwyluso’r broses derbyn a rhyddhau cleifion yn ddiogel.

Addysgu a grymuso cleifion a gofalwyr i nodi arwyddion cynnar o newid yn eu cyflwr a rhoi'r wybodaeth a'r sgiliau angenrheidiol iddynt i fabwysiadu dull annibynnol a gwneud dewisiadau gwybodus i reoli eu cyflwr.

Gweithio gyda chleifion a’u gofalwyr i benderfynu ac asesu anghenion y claf.

Cefnogi’r gwaith o ddatblygu cydgynlluniau gofal ysgrifenedig gydag aelodau eraill o’r tîm rhyngasiantaethol lle bo’n briodol i fodloni anghenion gofal unigol y claf.

Gwella profiad y claf trwy gefnogi’r broses o weithredu fframweithiau allweddol megis, maeth a hydradu, parch ac urddas, hanfodion gofal, amgylchedd gofal ac ati, gan sicrhau bod camau gwella wedi'u cymryd a bod modd dangos tystiolaeth ohonynt.

Cynllunio gyda'r claf/tîm gynllun rhyddhau ar gyfer pob claf, gan gynnwys gofalwyr, gwasanaethau cymunedol ac asiantaethau eraill pan fo'n briodol.

Cyfrannu at greu amgylchedd gofalgar trwy barchu preifatrwydd, urddas a chredoau ysbrydol cleifion a sicrhau bod barn y claf a'r gofalwyr yn cael ei chynnwys ym mhob rhan.

Cynnal a monitro asesiadau cleifion, cynlluniau gofal, ymyrryd a gwerthuso mewn partneriaeth â'r cleifion a'u gofalwyr, gan gydweithio gyda’r tîm amlddisgyblaeth / amlasiantaeth.

Helpu i ddatblygu asesiad o anghenion poblogaeth y practis er mwyn llywio'r broses o ddarparu gwasanaethau.

Gweithredu fel presgripsiynydd anfeddygol, yn presgripsiynu yn unol â’r Fformiwlâu Rhagnodi, polisïau a chanllawiau’r Bwrdd Iechyd/ Cymru Gyfan/ y Cyngor Nyrsio a Bydwreigiaeth/ Y Cyngor Proffesiynau Gofal ac Iechyd, gan wneud penderfyniadau presgripsiynu clinigol a chost-effeithiol. 

Cynghori cleifion a gofalwyr ar bob cyfle i hybu iechyd ac atal salwch. Cefnogi mentrau datblygu perthnasol Iechyd y Cyhoedd a’r gymuned. 
 

Cymryd rhan yn y gwaith o lunio polisïau, gweithdrefnau a chanllawiau Bwrdd Iechyd Addysgu Powys, gan sicrhau bod y tîm yn glynu wrthynt ynghyd â'r ddeddfwriaeth bresennol.

Sicrhau bod safonau’n cael eu cynnal a’u monitro o fewn y rhaglen archwilio arweiniol yr amgylchedd clinigol e.e. archwiliad dogfennaeth genedlaethol.

Meithrin a chynnal cyswllt effeithlon a pherthnasoedd gweithio gyda chydweithwyr, cysylltiadau gwaith allweddol a chydweithwyr mewnol/allanol eraill, hyrwyddo gweithio’n integredig ac archwilio dulliau newydd o fodloni anghenion therapiwtig eich grŵp o gleientiaid.

Cefnogi'r gwaith o gasglu, cwblhau, cyflwyno a chofnodi gwybodaeth berthnasol yn amserol ar gyfer gofal cleifion, datblygu gwasanaethau, archwilio a rheoli gweithredol (Metrigau Gofal Iechyd, dangosfwrdd, FOC, Datix) 

Cymryd rhan yn y gwaith ymchwil a datblygu agenda, gan ganolbwyntio ar y gwelliannau i’r gwasanaeth.

Hyrwyddo datblygiad prosiectau archwilio ac ymchwil yn yr ardal leol e.e. Hanfodion Gofal, Prosiectau Gwella Ansawdd Gyda'n Gilydd.

Bod yn gyfrifol am eich cymhwysedd eich hun, gan nodi anghenion dysgu personol a datblygiad proffesiynol/personol trwy gwblhau cynllun datblygu personol, cymryd rhan yn system arfarnu'r Bwrdd Iechyd a dangos ymwybyddiaeth o gymwyseddau a galluoedd.

Cynnal sgiliau gwybodaeth broffesiynol trwy gwblhau cyrsiau achrededig perthnasol, mynychu cyrsiau/cynadleddau allanol, hyfforddiant gorfodol, datblygu cynllun datblygu unigol a thrwy ddatblygu a chynnal rhwydweithiau cymorth.

Datblygu sgiliau, gwybodaeth ac arbenigedd yn gyson i ddarparu gofal a gwybodaeth briodol i gleifion yn unol â'r gwaith o ddatblygu gwasanaethau a darparu gwasanaethau cyfredol ar draws darparwyr iechyd, gofal cymdeithasol a'r trydydd sector.

Darparu amgylchedd dysgu cynhwysfawr i ddysgwyr gan annog yr holl staff i ddatblygu eu rolau fel mentoriaid ac aseswyr.

Sicrhau bod yr holl staff dirprwyedig yn derbyn Adolygiadau Perfformiad Unigol rheolaidd a bod ganddynt Gynlluniau Datblygu Personol ar waith sy'n canolbwyntio ar ddarparu gwasanaethau sy'n cadw anghenion cleifion/gwasanaethau wrth wraidd.

Cynorthwyo, goruchwylio, mentora a hyfforddi aelodau eraill o'r tîm a'r myfyrwyr a neilltuwyd i'r tîm.

Cynorthwyo a hyfforddi staff iau a myfyrwyr i ddatblygu eu gwybodaeth a sgiliau proffesiynol drwy gyflawni amcanion gwerthuso a chynlluniau datblygu personol, gan ddefnyddio eu cyflawniadau i fod yn fodel rôl. 

Nodi cynllun datblygu personol sy'n ymgorffori mesurau drwy hyfforddiant ac astudiaethau/profiadau hunangyfeiriedig, gan sicrhau bod ymyriadau ac arferion sy'n seiliedig ar dystiolaeth yn cael eu darparu.

Sicrhau bod trefniadau mentora ar waith ar gyfer myfyrwyr a staff ôl-raddedig o fewn lleoliadau clinigol, gan ddarparu amgylchedd dysgu ysgogol.