Trosolwg o'r swydd

Mae Gwasanaeth Gwaed Cymru (GGC) yn falch dros ben o’r rôl hanfodol mae’n ei chwarae wrth ymdrechu i achub a thrawsnewid bywydau trwy haelioni ei roddwyr gwaed.  Rydym yn darparu gwasanaeth hanfodol i GIG Cymru drwy ddarparu gwasanaeth gwaed a thrawsblannu diogel o ansawdd uchel i gefnogi trin cleifion ar draws Cymru.

Bydd deiliad y swydd yn gweithio gyda'r Tîm Iechyd Gwaed i gefnogi’r gwaith o weithredu’r Cynllun Iechyd Gwaed, drwy ddarparu cymorth gweinyddol o ddydd i ddydd a thrwy gydlynu i helpu i gyflwyno’r cynllun yn llwyddiannus.

Rydym yn chwilio am weinyddwr profiadol gyda sgiliau trefnu rhagorol. Bydd yn rhaid i ddeiliad y swydd drefnu cyfarfodydd a chymryd nodiadau/cofnodion mewn cyfarfodydd. Bydd yn rhaid iddynt gael profiad o reoli taenlenni a gofynion mewnbynnu data cymhleth, a gallu trefnu a blaenoriaethu eu llwyth gwaith eu hunain i gwrdd â therfynau amser.

Mae'r swydd yn swydd barhaol amser llawn (37.5 awr yr wythnos) sydd wedi'i lleoli ar safle Tanysguboriau.

Mae'r gallu i siarad Cymraeg yn ddymunol ar gyfer y swydd hon. Mae croeso cyfartal i siaradwyr Cymraeg a/neu Saesneg wneud cais amdani.

Prif ddyletswyddau'r swydd

Darparu cymorth gweinyddol cynhwysfawr, effeithlon ac effeithiol i alluogi cyflawni swyddogaethau Craidd yr Adran Gwasanaethau Clinigol e.e. hybu rheolaeth gwaed cleifion y Tîm Iechyd Gwaed (BHT), rheolaeth glinigol a chefnogaeth feddygol, gan gyfeirio'n benodol at waith parhaus ar gyfer y rhaglen rheoli anemia Cyn Llawdriniaeth o fewn Gwasanaeth Gwaed Cymru (WBS).

• Cyhoeddi amrywiaeth o ohebiaeth ysgrifenedig ar ran y Tîm Iechyd Gwaed a'r Grŵp Goruchwylio Iechyd Gwaed Cenedlaethol (BHNOG). Cyfathrebu gyda chydweithwyr perthnasol ynghylch y Rhaglen Anemia Cyn Llawdriniaeth.
• Darparu cymorth gweinyddol llawn ac effeithiol i'r Tîm Iechyd Gwaed i gefnogi'r gwaith o reoli'r rhaglen Anemia Cyn Llawdriniaeth. Bydd y dyletswyddau'n cynnwys - cymryd cofnodion, trefnu cyfarfodydd, teipio adroddiadau, diweddaru a chynnal taenlenni a chronfeydd data.
• Cefnogi’r rhaglen anemia Cyn Llawdriniaeth a Thîm Iechyd Gwaed ehangach wrth lunio a lledaenu gohebiaeth glinigol berthnasol, gan gynnwys archwilio clinigol a systemau adborth.
  

Gweithio i'n sefydliad

Yma yn Ymddiriedolaeth GIG Prifysgol Felindre, rydym yn hynod falch o'r gwasanaethau arbenigol a ddarparwn ledled Cymru yn ein Canolfan Ganser Felindre arloesol ac ein Gwasanaeth Gwaed Cymru gwobrwyedig. Yn ogystal ag arbenigedd ein swyddogaethau corfforaethol sy'n dod â'r ddwy adran at ei gilydd. Rydym hefyd yn ffodus i gynnal Partneriaeth Cydwasanaethau GIG Cymru a Thechnoleg Iechyd Cymru ac rydym wedi datblygu gwaith partneriaeth cryf gyda'r gwasanaethau arbenigol hyn.

Wedi'i sefydlu ym 1999, mae gan yr Ymddiriedolaeth weithlu ymroddedig sy'n ymdrechu'n barhaus i ddarparu egwyddorion allweddol gofal iechyd darbodus drwy amrywiaeth eang o rolau. Rydym yn chwarae rhan hanfodol yn y cymunedau rydym yn eu cefnogi ac mae gennym gynlluniau uchelgeisiol ar gyfer y dyfodol i barhau i wella'r gwasanaethau a ddarparwn. Rydym yn ymdrechu i gynnal ein gwerthoedd craidd ym mhopeth a wnawn drwy fod yn; atebol, beiddgar, gofalgar a deinamig, a sicrhau'r gofal gorau posibl i'n cleifion a'n rhoddwyr.

Os ydych am weithio i sefydliad sy'n ymfalchïo mewn gwneud gwahaniaeth go iawn ac sy'n cynnig cyfleoedd gyrfa cyffrous, yna Ymddiriedolaeth GIG Prifysgol Felindre yw'r lle i chi. Ewch i'n gwefan i gael rhagor o wybodaeth: https://velindre.nhs.wales