Trosolwg o'r swydd

Mae'r gallu i siarad Cymraeg yn hanfodol ar gyfer y swydd hon.

Gweithio fel rhan o dîm mewn canolfan alwadau apwyntiadau brysur, archebu ystod o apwyntiadau clinig cleifion allanol a gweithdrefnau theatr.

Prif ddyletswyddau'r swydd

Mae cyfle ar gael i ymuno â’r adran trefnu apwyntiadau cleifion yn Ysbyty Maelor Wrecsam. Rydym yn chwilio am unigolyn llawn cymhelliant i ymuno â’n tîm prysur. Mae’r rôl yn cynnwys gweithio mewn amgylchedd canolfan alwadau brysur a bydd yr ymgeisydd llwyddiannus yn rhan o dîm o staff profiadol sy’n gyfrifol am reoli’r rhestr aros. Mae’r rôl hon yn gofyn am sgiliau cyfathrebu ardderchog, ac mae’r gallu i gyflawni tasgau amrywiol ar yr un pryd ac i beidio â gofidio o dan bwysau’n hanfodol.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Mae croeso cydradd i siaradwyr Cymraeg a/neu Saesneg wneud cais. 

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.