Trosolwg o'r swydd

Mae cyfle prin wedi codi o fewn y tîm Cardioleg yn Ysbyty Maelor Wrecsam ar gyfer Nyrs Arbenigol Cardioleg Acíwt. Mae hon yn swydd ran-amser a bydd yr oriau’n cael eu gweithio dros gyfnod o dwy diwrnod (dydd Llun - dydd Gwener).

Sylwch, os nad yw’r ymgeisydd llwyddiannus yn meddu ar radd dosbarth 1^af Meistr y Gwyddorau (MSC) mewn Ymarfer Clinigol Uwch, neu brofiad digonol, bydd y swydd yn cael ei chynnig ar Fand 6, gan godi i Fand 7 ar ôl cwblhau’r MSc. 

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Mae’r Nyrsys Cardioleg Acíwt yn Ysbyty Maelor Wrecsam yn darparu gwasanaeth o ansawdd uchel, cynhwysfawr ac arloesol dan arweiniad nyrsys. Mae’r gwasanaeth hwn ar gyfer cleifion sy’n dioddef ȃ chyflyrau acíwt, yn bennaf Syndrom Coronaidd Acíwt, ond hefyd cleifion sy’n cyrraedd yr Adran Achosion Brys gydag arhythmia, diffyg anadl neu mewn llewyg. Maent yn darparu ac yn hwyluso gofal ac ymyriadau amserol ym mhob lleoliad acíwt, yn bennaf yn yr Adran Achosion Brys gyda'r nod o atal derbyniadau y gellir eu hosgoi a sicrhau bod cleifion sydd angen eu derbyn yn cael eu rheoli'n briodol. Mae’r tîm yn cynnwys 2.8 cyfwerth ag amser llawn (WTE) ac maent yn gweithio’n agos iawn gyda phob aelod o’r tîm amlddisgyblaethol Cardioleg. Maent yn wasanaeth ysbyty sy'n darparu gofal cleifion mewnol i gleifion sy'n cyflwyno gyda chyflwr Cardioleg acíwt, a gofal cleifion allanol i'r rhai sy'n mynychu Clinig Mynediad Sydyn ar gyfer Poen y Frest. Mae'r tîm hefyd yn rhedeg y gwasanaeth brysbennu cyfeiriadau Cardioleg sy'n darparu gwasanaeth brysbennu clinigol cyflym, gyda dros 500 o gyfeiriadau bob mis gan feddygon teulu a chlinigwyr eraill. Maent yn rhoi cyngor arbenigol a chefnogaeth i gydweithwyr clinigol eraill, yn arbennig y Meddygon Ymgynghorol Acíwt a’r Cardiolegwyr ac maent yn cynnig addysg, hyfforddiant a gwybodaeth arbenigol glinigol am ofal Sylfaenol ac Eilaidd i staff. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.