Trosolwg o'r swydd

Mae Nyrsys Arrhythmia yn Ysbyty Wrecsam Maelor yn darparu gwasanaeth o ansawdd uchel, cynhwysfawr ac arloesol dan arweiniad nyrsys i gleifion sy'n profi cyflyrau arrhythmia acíwt a chronig. Mae'r tîm yn cyfateb i 2.3 o swyddi amser llawn (WTE) ac yn gweithio'n agos gyda holl aelodau tîm amlddisgyblaethol Cardioleg, Gofal Sylfaenol a'r ganolfan drydyddol. Maent yn darparu gofal cleifion allanol i'r rhai sy'n mynychu'r Clinig Arrhythmia Mynediad Cyflym a chlinigau arrhythmia ychwanegol i reoli cyfradd/rythm y galon ac amddiffyn rhag strôc; maent hefyd yn darparu llinell gymorth ffôn ar gyfer pryderon ynghylch arrhythmia ac yn adolygu cleifion sy'n profi problemau parhaus, gan osgoi derbyniadau i'r ysbyty yn aml. Mae clinigau dilynol yn asesu'r ymateb i driniaeth. Mae'r tîm hefyd yn rhedeg gwasanaeth cardiofersiwn dan arweiniad nyrsys.

Dylech fod â phrofiad mewn Cardioleg neu ofal acíwt ac angerdd dros ddarparu gofal o ansawdd uchel. Dylech allu gweithio mewn ffordd hyblyg er mwyn ymateb i achosion gofal annisgwyl. Cewch eich cefnogi gan y Nyrsys Arbenigol Cardioleg Acíwt presennol, Cardiolegwyr Ymgynghorol, yr Ymarferydd Nyrsio Cardioleg (a fydd yn rheolwr llinell) a'r tîm Cardioleg ehangach. Gellir cynnig y swydd fel swydd ddatblygu Band 6 os nad oes gan yr ymgeiswyr radd MSc.

Am ragor o wybodaeth, cysylltwch â Nicola Jones neu Shirley Lynch ar 03000 847428 neu drwy'r switsfwrdd gan ddefnyddio'r peiriannau galw (bleeps) 25294/25297

Prif ddyletswyddau'r swydd

• Darparu arferion uwch ac arbenigol yn cynnwys asesiadau holistaidd, cynllunio, gweithredu a gwerthuso rhaglenni gofal cleifion sy’n cael eu cyfeirio gydag anhwylderau rhythm cardiaidd neu amheuaeth ohono;
• Sicrhau bod gofal parhaus yn cael ei ddarparu, trwy benderfynu ar ddiagnosis (yn cynnwys diagnosis gwahaniaethol), datblygu a gweithredu cynlluniau rheoli clinigol a chyfeirio at weithwyr iechyd proffesiynol perthnasol ynghylch anghenion gofal iechyd parhaus cleifion unigol;
• Gweithredu fel ymarferydd unigol gyda’ch llwyth gwaith eich hunan i reoli anghenion gofal iechyd sy’n newid ar y cyd â'r tîm clinigol;
• Cydweithio â chydweithwyr clinigol i ddatblygu gwasanaethau a ddarperir i gleifion o fewn y maes arbenigol, gan ddarparu cyngor, cefnogaeth, addysg a hyfforddiant arbenigol.  Bydd hyn yn cynnwys gweithredu fel cydlynydd ar gyfer y gwasanaeth dyfeisiadau cymhleth Bwrdd Iechyd cyfan a/neu'r Gwasanaeth cardio fersiwn dan arweiniad nyrsys.  Darparu gwasanaeth cefnogi 'r teuluoedd mewn perygl o, neu a effeithir gan Farwolaeth Gardiaidd Disymwth (SCD).

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.